រាជធានីភ្នំពេញ ៖ កិច្ចប្រជុំបូកសរុបការងារប្រតិបត្តិការតស៊ូបង្ក្រាបគ្រឿងញៀនរបស់កម្លាំងនគរបាលជាតិក្នុងឆ្នាំ២០១៨ បង្ក្រាបបាន៦.៧៩២ករណី ឃាត់ខ្លួនជនល្មើស១៣.៣៨៧នាក់ (ស្រី១.០១១នាក់) និងអនុវត្តតាមដីកាឃាត់ខ្លួន២១៧នាក់ (ស្រី៩នាក់) ។ កិច្ចប្រជុំបានធ្វើឡើងក្រោមអធិបតីភាពនាយឧត្តមសេនីយ៍…
រាជធានីភ្នំពេញ ៖ កិច្ចប្រជុំបូកសរុបការងារប្រតិបត្តិការតស៊ូបង្ក្រាបគ្រឿងញៀនរបស់កម្លាំងនគរបាលជាតិក្នុងឆ្នាំ២០១៨ បង្ក្រាបបាន៦.៧៩២ករណី ឃាត់ខ្លួនជនល្មើស១៣.៣៨៧នាក់ (ស្រី១.០១១នាក់) និងអនុវត្តតាមដីកាឃាត់ខ្លួន២១៧នាក់ (ស្រី៩នាក់) ។
កិច្ចប្រជុំបានធ្វើឡើងក្រោមអធិបតីភាពនាយឧត្តមសេនីយ៍ ម៉ក់ ជីតូ អគ្គស្នងកររងនគរបាលជាតិ ទទួលបន្ទុកការងារប្រយុទ្ធប្រឆាំងគ្រឿងញៀន ។
បើយោងតាមរបាយការណ៍ដែលបានបង្ហាញក្នុងកិច្ចប្រជុំបូកសរុបលទ្ធផលការងារប្រយុទ្ធប្រឆាំងបទល្មើសគ្រឿងញៀនឆ្នាំ២០១៨ និងលើកទិសដៅបន្ដឆ្នាំ២០១៩ របស់មន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ នៅព្រឹកថ្ងៃទី១០ ខែមករា ឆ្នាំ២០១៩នេះ ក្រោមអធិបតីភាពនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលផែនប្រឆាំងគ្រឿងញៀន ។
របាយការណ៍ដដែលបញ្ជាក់ថា ក្នុងប្រតិបតិ្តការពេញមួយឆ្នាំនេះ កម្លាំងនគរបាលទូទាំងប្រទេសរឹបអូសគ្រឿងញៀនចំនួន៥០៨គីឡូក្រាម ក្នុងនោះមន្ទីរប្រឆាំងគ្រឿងញៀនបង្ក្រាបបានចំនួន១.០១៧ករណី ឃាត់ខ្លួនជនល្មើស១.៧២៥នាក់ ស្រី២១៨នាក់ ដោយរឹបអូសថ្នាំញៀន បានចំនួន១៥៨គីឡូក្រាម ។
ជាមួយគ្នានេះ ក្នុងឆ្នាំ២០១៨ មន្ទីរប្រឆាំងគ្រឿងញៀនបានសហការជាមួយស្នងការដ្ឋាននគរបាលរាជធានីភ្នំពេញ ខេត្តព្រះសីហនុ និងខេត្តសៀមរាប ដើម្បីរួមគ្នាបង្ការ គ្រប់គ្រង និងបង្ក្រាបបទល្មើសគ្រឿងញៀននៅតាមបណ្ដាទីតាំងកម្សាន្ដផ្សេងផងដែរ ។
បន្ថែមពីនេះ មន្ដ្រីជំនាញក៏បានចុះស្រង់តាមបណ្ដាគោលដៅងាយរងគ្រោះ បទល្មើសគ្រឿងញៀន សរុបចំនួន២៩៩៧ទីតាំង ក្នុងបានធ្វើកិច្ចសន្យារួមចំនួន៩៧២ទីតាំង មិនទាន់ធ្វើកិច្ចសន្យា២០២៥ទីតាំង ៕
ចែករំលែកព័តមាននេះ