ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅស្រុកព្រៃនប់នៅវេលាម៉ោង១៥និង៣០នាទីរសៀល ថ្ងៃទី០៩ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍ មួយកើតឡើងលើដងផ្លូវជាតិលេខ៤ នៅចន្លោះគីឡូម៉ែត្រ១៥៧-១៥៨ ស្ថិតក្នុងភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ។
តាមសេចក្តីរាយការណ៍បានបន្តថា សមត្ថកិច្ចបញ្ជាក់ថា គ្រោះថ្នាក់ចរាចរណ៍នេះរវាងម៉ូតូម៉ាកសង់កូរ៉េ ពណ៌ក្រហម គ្មានផ្លាកលេខ បើកបរដោយឈ្មោះ ខាត់ ថុល ភេទប្រុស អាយុ៣៨ឆ្នាំ មុខរបរកម្មករដូងប្រេង (របួសធ្ងន់) មានទិសដៅឆ្លងផ្លូវពីលិចទៅកើតលុះមកដល់ចំណុចខាងលើក៏មានម៉ូតូមួយគ្រឿងទៀត (មិនស្គាល់សញ្ញាណ) បើកបរទិសដៅព្រះសីហនុ-ភ្នំពេញបានបុកប៉ះរួចហើយក៏បើករត់គេចបាត់ ។
ក្រោយកើតហេតុជនរងគ្រោះបានបញ្ជូនមកសង្គ្រោះនៅពេទ្យឯកជនវាលរេញ ហើយករណីនេះសមត្ថកិច្ចកំពុងស្រាវជ្រាវបន្តតាមនីតិវិធី ៕
ចែករំលែកព័តមាននេះ