មានភាពតានតឹងក្នុងចិត្តមែនទេ ? ការទំពាស្ករកៅស៊ូពីរបីដុំ ប្រហែលជាអាចជួយអ្នកបាន។ ឃ្លានមែនទេ? ពេលខ្លះស្ករកៅស៊ូ ក៏អាចជួយអ្នកបានផងដែរ ។ ជាការណ៍ពិតណាស់ ការទំពាស្ករកៅស៊ូបានក្លាយជាទម្លាប់ប្រចាំថ្ងៃ សម្រាប់មនុស្សមួយចំនួន ហើយអ្នកខ្លះទៀត គឺថាអត់វាមិនបានទៀតផង ។
និយាយពីរឿងទំពាស្ករកៅស៊ូ អ្នកជំនាញប្រចាំគេហទំព័រយើង បានលើកឡើងថា ប្រភេទខុសគ្នានៃស្ករកៅស៊ូ ដែលអ្នកទំពានឹងផ្តល់លទ្ធផលខុសគ្នាដែរ ពីព្រោះស្ករកៅស៊ូខ្លះមានប្រយោជន៍ ឯខ្លះទៀតគឺធ្វើឲ្យធ្មេញអ្នកមានបញ្ហា។ ការទំពាស្ករកៅស៊ូ ដែលមានជាតិផ្អែម អាចធ្វើឲ្យអ្នក ប្រឈមមុខនឹងបញ្ហាពុកធ្មេញ ដូច្នេះអ្នកគួរតែស្វែងរកស្ករកៅស៊ូដែលគ្មានជាតិស្ករទើបល្អ ។ ទោះបីជាយ៉ាងណាអ្នកគួរតែប្រុងប្រយ័ត្ន ទោះបីជាវាគ្មានជាតិស្ករក្តី តែវាក៏មានជាតិផ្អែមម្យ៉ាងហៅថា Xylitol ដែលអាក្រក់ចំពោះសុខភាពអ្នក ។
ផលប៉ះពាល់នៃការញ៉ាំស្ករកៅស៊ូ មានមិនតិចទេ ។ អ្នកដែលចូលចិត្តទំពាស្ករកៅស៊ូ ដើម្បីបំបាត់ការឈឺក្បាល អាចមានផលប៉ះពាល់ ចំពោះសុខភាពខួរក្បាល ។ ការទំពារស្ករកៅស៊ូញឹកញាប់ ធ្វើឲ្យអ្នកមានបញ្ហាសុខភាពមាត់ធ្មេញ ។ នៅពេលដែលអ្នកមិនអាចបញ្ឈប់ ការទំពាស្ករកៅស៊ូបាន នោះមិនយូរមិនឆាប់ អ្នកប្រាកដជាកើតជំងឺទឹកនោមផ្អែម និងធាត់លើសទម្ងន់ហើយ ។
មិនមែនហាមឃាត់ ឬឲ្យអ្នកបញ្ឈប់ការទំពាស្ករកៅស៊ូទេ ពីព្រោះស្ករកៅស៊ូ ក៏មានផលប្រយោជន៍ចំពោះសុខភាពច្រើនណាស់ដែរ។ ក្នុងគោលបំណងតែមួយ គឺចង់ឲ្យប្រជាពលរដ្ឋខ្មែរមានសុខភាពមាំមួន និងចាកឆ្ងាយពីជំងឺនានាដូច្នេះអ្នកគួរមានការប្រុងប្រយ័ត្ន ហើយកុំញ៉ាំស្ករកៅស៊ូច្រើនពេក (ប្រភពពី៖ Health.com.kh) ៕
ចែករំលែកព័តមាននេះ