រាជធានីភ្នំពេញ៖ អ្នកគាំទ្រចាប់អារម្មណ៍តាមដានកាន់តែកាន់តែខ្លាំងឡើងរឿងស្នេហ៍សួស វីហ្សា និងលោកថម មី បន្ទាប់ពីពួកគេបើកចំហលែងលាក់បាំង ។ មិនតែប៉ុណ្ណោះលេចឮដំណឹងថាពួកគេគិតគូរថ្ងៃចូលរោងការទៀតផង ។ តារាចម្រៀងលេចធ្លោប្រចាំផលិតកម្មហង្សមាសចាប់ផ្តើមបង្ហាញស្នេហាបន្តបន្ទាប់គ្នា…
រាជធានីភ្នំពេញ៖ អ្នកគាំទ្រចាប់អារម្មណ៍តាមដានកាន់តែកាន់តែខ្លាំងឡើងរឿងស្នេហ៍សួស វីហ្សា និងលោកថម មី បន្ទាប់ពីពួកគេបើកចំហលែងលាក់បាំង ។ មិនតែប៉ុណ្ណោះលេចឮដំណឹងថាពួកគេគិតគូរថ្ងៃចូលរោងការទៀតផង ។
តារាចម្រៀងលេចធ្លោប្រចាំផលិតកម្មហង្សមាសចាប់ផ្តើមបង្ហាញស្នេហាបន្តបន្ទាប់គ្នា មានពេជ្រ សោភា ជាមួយឆឹម សក្កដា ,ឱក សុគន្ឋកញ្ញា ក្លាយជាគូដណ្តឹងប្អូនប្រុសថៅកែផលិតកម្ម ,នី រតនាត្រៀមចូលរោងការ ,លោកនៅ សុីនឿន ទើបតែភ្ជាប់ពាក្យជាមួយគូស្នេហ៍រស់នៅអាមេរិក ។ ចំពោះគូស្នេហ៍យុវវ័យសួស វីហ្សា និងលោកថមមី បានក្លាយជាគូស្នេហ៍មានការតាមដានខ្លាំងពីអ្នកគាំទ្រដោយសារពួកគេទើបតែបើកចំហ ។ ម្យ៉ាងអ្នកគាំទ្រតាមដានដោយសារតែកន្លងមករវាងលោកឆឹម សក្កដា និងពេជ្រ សោភា លេចឮថាគ្រាន់តែជាឆាកឈុតសម្តែងប៉ុណ្ណោះ បើទោះជាអ្នកទាំង២ថាជាស្នេហ៍ពិតក៏ដោយ ។ ដូច្នេះហើយគេខ្លាចស្នេហាសួស វីហ្សា ជាឈុតឆាកដូចពេជ្រ សោភា ដែរ ។
ទោះជាយ៉ាងណាក្តីស្នេហារវាងសួស វីហ្សា និងតារាសម្តែងលោកថមមី អ្នកគាំទ្រហាក់ជឿជាក់ច្រើនជាងការសង្ស័យ ។ ថ្មីៗកន្លងមកអ្នកគាំទ្រពិតជាចាប់អារម្មណ៍ណាស់ចំពោះរូបភាពផ្អែមល្ហែមរបស់វីហ្សា និងថមមី ដែលបង្ហោះឡើងក្នុងបណ្តាញសង្គម ។ អ្នកគាំទ្រ ម្នាក់ៗចង់ឲ្យជាស្នេហ៍ពិត ដោយសារមួយគូនេះពិតជាសក្តិសមគ្នា ។ គេថាបើមិនល្អ វីហ្សាមិនព្រមឲ្យក្លាយជាមនុស្សស្និទ្ធស្នាលនោះទេ នាំឲ្យប៉ះពាល់ការងារ ។
មានការលើកឡើងទៀតថាអ្នកទាំង២បានការទទួលស្គាល់ពីចាស់ទុំសងខាង ហើយក៏លេចឮដែរថាលោកថមមី ចង់ចូលស្តីដណ្តឹងសួស វីហ្សា រួចរៀបការ ប៉ុន្តែមិនអាច…។ មិនអាចព្រោះវាប៉ះពាល់អាជីពការងារទាំងសងខាង ពិសេសប្រជាប្រិយភាពវីហ្សាកាន់តែហក់ឡើងទើបពន្យារពេលវេលាមួយរយៈទៀតសិន ។
កញ្ញាសួស វីហ្សា ជាតារាចម្រៀងមានទឹកដមសំឡេងក្រអួនក្រអៅអាចច្រៀងបានជាច្រើនទម្រង់ ។ នៅឆ្នាំ២០១៨កន្លងទៅ នាងបានដំឡើងតម្លៃខ្លួនលើសកាលពីឆ្នាំ មុនៗ ពោលគឺច្រៀង១កម្មវិធីស៊ីថ្លៃជាង២ពាន់ដុល្លារ។ អំឡុងពេលដែលវីសា មានរាសី ឡើងខ្ពស់នេះ ចំណងស្នេហារបស់នាងជាមួយលោកប៊ុនថុល ប៊ុនថង ហៅថមមី ក៏បើកជាចំហដែរ ។ លោកថមមី បានប្រកាសថា «ខ្ញុំស្រលាញ់តែអូនវីសា ម្នាក់គត់»៕
ចែករំលែកព័តមាននេះ