រាជធានីភ្នំពេញ៖ ដោយសារ តែ មើលឃើញពីស្ថានភាពជំងឺនាយសាន ម៉ៅ ហាក់មិនធូរស្បើយនោះ ក្រុមគ្រួសារតារាកំប្លែងរូបនេះបានសម្រេចបញ្ចាំរថយន្ត និងប្លង់ដី ត្រៀមនឹងយកនាយទៅព្យាបាលបន្តនៅប្រទេសថៃ ។…
រាជធានីភ្នំពេញ៖ ដោយសារ តែ មើលឃើញពីស្ថានភាពជំងឺនាយសាន ម៉ៅ ហាក់មិនធូរស្បើយនោះ ក្រុមគ្រួសារតារាកំប្លែងរូបនេះបានសម្រេចបញ្ចាំរថយន្ត និងប្លង់ដី ត្រៀមនឹងយកនាយទៅព្យាបាលបន្តនៅប្រទេសថៃ ។
ក្រុមគ្រួសារបញ្ជាក់ថា ជំងឺរបស់លោក សាន ម៉ៅ ច្រើនប្រភេទ និងឈានដល់ដំណាក់កាលធ្ងន់ តែដោយសារតែមិនអាចឈរមើលបាន ទើប សម្រេចបញ្ចាំរបស់របរដើម្បីនាំយករូបលោកចេញទៅព្យាបាលនៅប្រទេសថៃក្នុងក្តីសង្ឃឹមចុងក្រោយ ។ បើតាមការអះអាងពីកូនស្រីរបស់នាយ សាន ម៉ៅ និងត្រូវបានផ្សាយផ្ទាល់តាមហ្វេសប៊ុកអ្នកនាងចន ច័ន្ទលក្ខិណា ប្រធានសមាគមសិល្បករខ្មែរឲ្យដឹងថា រហូតមកដល់ពេលនេះជំងឺលោកសាន ម៉ៅ នៅតែមិនអាចធូរស្រាលនៅឡើយទេ ពោលគឺស្ថិតក្នុងលក្ខណៈធ្ងរ ។
ឪពុករបស់នាងបានពើបប្រទះជំងឺច្រើនមុខ ដូចជា លើសឈាម ទឹកនោមផ្អែម ជាពិសេសជំងឺសួតធ្ងន់ដែលតម្រូវឲ្យដាក់អុកហ្ស៊ីសែនជាប្រចាំ ។ ប្រការនេះបានធ្វើក្រុមគ្រួសារត្រូវចំណាយប្រាក់ច្រើននៅក្នុងការព្យាបាលលោក សាន ម៉ៅ ដែលគិតមកដល់ពេលនេះបានចំណាយប្រហែល១ម៉ឺនដុល្លារហើយ ។
បើតាមកូនស្រីនាយសាន ម៉ៅ បើទោះបីជាត្រូវចំណាយច្រើន និងការយកចិត្តទុកដាក់ពីក្រុមគ្រូពេទ្យនៅមន្ទីរពេទ្យកាល់ម៉ែតក៏ដោយ ប៉ុន្តែជំងឺឪពុកនាងហាក់មិនធូរស្រាលឡើយ ដោយសារគាត់ស្ថិតក្នុងសភាពធ្ងន់ ។ ក្រុមគ្រួសាររបស់នាងបានសម្រេចលើកចុងក្រោយនឹងត្រូវបញ្ជូនលោកសាន ម៉ៅ ទៅបន្តការព្យាបាលនៅស្រុកអ៊ូប៊ុន ប្រទេសថៃថែមទៀត ក្នុងក្តីសង្ឃឹមចុងក្រោយ បើទោះបីជាស្ថានភាពជំងឺរបស់លោកនាពេលនេះស្ថិតក្នុងស្ថានការមួយគួរឲ្យព្រួយបារម្មណ៍ក៏ដោយ ។
កូនស្រីនាយសាន ម៉ៅ បញ្ជាក់ថាដោយសារការបញ្ចាំប្លង់ដី និងរថយន្ត ពេលនេះក្រុមគ្រួសាររបស់នាងមានប្រាក់ប្រមាណ១ម៉ឺន៥ពាន់ដុល្លារ ដូច្នេះបើក្នុងករណីការព្យាបាលត្រូវចំណាយលើសនេះ គឺនាង និងក្រុមគ្រួសារពុំមានលទ្ធភាពឡើយ ។
ស្ថិតក្នុងស្ថានភាពដ៏លំបាកនេះក្នុងនាមក្រុមគ្រួសារនាយសាន ម៉ៅ និងអ្នកនាងចន ច័ន្ទលក្ខិណា ប្រធានសមាគមសិល្បករខ្មែរបានអំពាវនាវដល់សប្បុរសជនគ្រប់មជ្ឈដ្ឋានជួយដល់តារាកំប្លែងនាយសាន ម៉ៅ ផង ដើម្បីបម្រើការកម្សាន្តសប្បាយជូនទស្សនិកជនទៀត ៕
ចែករំលែកព័តមាននេះ