ខេត្តកំពង់ឆ្នាំង ៖ បុរសម្នាក់បានស្លាប់ភ្លាមៗនៅកន្លែងកើតហេតុបន្ទាប់ពីយកម៉ូទ័រទៅកាត់ដែកហើយម៉ូ
ទ័របានឆ្លងចរន្តអគ្គិសនី បណ្តាលឱ្យឆក់ស្លាប់តែម្តង ។ ហេតុការណ៍នេះបានកើតឡើងកាលពីវេលាម៉ោង៤និង៣០នាទីល្ងាចថ្ងៃទី៦ ខែមករា ឆ្នាំ២០១៩ ស្ថិតនៅក្នុងភូមិស្រែក្រៅ ឃុំធ្លកវៀន ស្រុកសាមគ្គីមានជ័យ។
តាមប្រភពព័ត៌មានពីសមត្ថកិច្ចនៅកន្លែងកើតហេតុបានឲ្យដឹងថា ជនរងគ្រោះដែលស្លាប់ឈ្មោះសាធ ថាន ភេទប្រុស មានទីលំនៅភូមិឃុំកន្លែងកើតហេតុខាងលើ។
ប្រភពដដែលបានឲ្យដឹងថា មុនពេលកើតហេតុ ជនរងគ្រោះបានយកម៉ូទ័រទៅដោតព្រីភ្លើង ដើម្បីកាត់ដែក ពេលកំពុងតែកាត់ដែកនោះស្រាប់តែម៉ូទ័របានឆ្លងចរន្តអគ្គិសនីបណ្ដាលឲ្យឆក់ស្លាប់នៅនឹងកន្លែងតែម្តង ។
ក្រោយពេលកើតហេតុ សមត្ថកិច្ចបានចុះទៅពិនិត្យ និងធ្វើកោសល្យវិច្ច័យរកឃើញថាជនរងគ្រោះពិតជាស្លាប់ដោយសារតែម៉ូទ័រឆ្លងចរន្តអគ្គិសនីប្រាកដមែន។
សមត្ថកិច្ចបានប្រគល់សពជនរងគ្រោះទៅឱ្យក្រុមគ្រួសារដើម្បីធ្វើបុណ្យតាមប្រពៃណីទាំងក្តីសោកស្តាយក្រៃលែង ៕
ចែករំលែកព័តមាននេះ