រាជធានីភ្នំពេញ៖ ទូកុងតឺន័រមួយគ្រឿងមានផ្ទុកអូសាវ៉ែលត្រូវអគ្គីភ័យឆាបឆេះ ហើយត្រូវបានម្ចាស់បើកចេញពីក្នុងឃ្លាំងយកទៅទុកនៅកណ្តាលផ្លូវ ត្រូវភ្លើងឆេះផ្សែងហុយទ្រលោមអស់យៈពេលជាច្រើនម៉ោង។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៤និង២០នារីរសៀល ថ្ងៃទី៦ខែមករា ឆ្នាំ ២០១៩ នៅតាមវិថីដួងងៀប ជិតមជ្ឈមណ្ឌលសកម្មភាពកំចាត់មីនកម្ពុជា…
រាជធានីភ្នំពេញ៖ ទូកុងតឺន័រមួយគ្រឿងមានផ្ទុកអូសាវ៉ែលត្រូវអគ្គីភ័យឆាបឆេះ ហើយត្រូវបានម្ចាស់បើកចេញពីក្នុងឃ្លាំងយកទៅទុកនៅកណ្តាលផ្លូវ ត្រូវភ្លើងឆេះផ្សែងហុយទ្រលោមអស់យៈពេលជាច្រើនម៉ោង។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៤និង២០នារីរសៀល ថ្ងៃទី៦ខែមករា ឆ្នាំ ២០១៩ នៅតាមវិថីដួងងៀប ជិតមជ្ឈមណ្ឌលសកម្មភាពកំចាត់មីនកម្ពុជា ក្នុងភូមិទ្រុងមាន់ សង្កាត់អូបែកក្អម ខណ្ឌសែនសុខ ។
តាមប្រភពព័ត៌មានអោយដឹងថា នៅមុនពេលកើតហេតុ គេឃើញរថយន្តដឹកទូកុងតឺន័រមួយគ្រឿងដែលផ្ទុកអូរសាវ៉ែលពេញកំពុងតែឈប់ដើម្បីរើនៅក្នុងឃ្លាំងមួយកន្លែងក្បែរកន្លែងកើតហេតុ លុះពេលកំពុងតែរើបានបន្តិច ស្រាប់តែភ្លើងបានឆាបឆេះ អ្នកបើកបរក៏បានបើកកុងតឺន័រចេញ និងផ្តាច់មួយកំណាត់ចេញ ទុកតែទូកុងតឺន័រចោលកណ្តាលផ្លូវខាងជើងឃ្លាំង ហើយភ្លើងបានឆាបឆេះផ្សែងហុយទ្រលោម ។
តាមប្រភពព័ត៌មានអោយដឹងទៀតថា ភ្លាមៗបង្កអោយមានការភ្ញាក់ផ្អើលដល់សមត្ថកិច្ចហៅរថយន្តពន្លត់អគ្គីភ័យជាច្រើនគ្រឿងទៅអន្តរាគមន៍បាញ់ពន្លត់អស់រយៈពេលជាច្រើនម៉ោង ដោយសារតែជាតិជ័រធុងដាក់អូសាវ៉ែលជាច្រើនពេញក្នុងកុងតឺន័រធ្វើអោយភ្លើងឆេះហុយ ដោយពុំអាចទប់ស្កាត់បានឡើយ។
ទាក់ទិននឹងការកើតមានអគ្គីភ័យឆេះទូកុងតឺន័រមានដឹកអូសាវ៉ែលខាងលើនេះគេពុំដឹងពីមូលហេតុអ្វីឡើយ ហើយម្ចាស់ក៏បានពុំបានចេញមុខបកស្រាយនោះទេ ។
តាមប្រភពព័ត៌មានពីនគរបាលមូលដ្ឋានបានអោយដឹងថា បន្ទាប់ពីកើតមានអគ្គីភ័យឆេះទូកុងតឺន័រខាងលើ រថយន្តពន្លត់អគ្គីភ័យបានចេញទៅអន្តរាគមន៍បាញ់ពន្លត់ រហូតដល់ម៉ោងប្រមាណ៦និង២០នាទីយប់គឺអស់រយៈពេលប្រមាណ២ម៉ោងទើបរលត់ ដោយប្រើប្រាស់រថយន្តពន្លត់អគ្គីភ័យចំនួន៨គ្រឿង បាញ់អស់ទឹកចំនួន២៤រថយន្ត។
ទោះបីជាយ៉ាងណា នគរបាលក៍បានត្រៀមរថយន្តចំនួន៣គ្រឿង ចាំបាញ់បន្តទៀត ព្រោះផ្សែងនៅតែហុយចេញពីទូរកុងតឺន័រនៅឡើយ៕
ចែករំលែកព័តមាននេះ