ទីក្រុងបាងកក ៖ ទីផ្សារការិយាល័យនឹងបន្តលូតលាស់យ៉ាងខ្លាំងក្នុងអំឡុង២ឆ្នាំខាងមុខ ដោយតម្លៃជួលកើនដល់កម្រិតខ្ពស់ជាងគេ និងតម្រូវការអាចនឹងកើនឡើង បន្ទាប់ពីការបោះឆ្នោតថ្នាក់ជាតិ ។ នេះបើតាមការចេញផ្សាយរបស់បាងកក ប៉ុស្ដិ៍ កាលពីថ្ងៃទី៣កន្លង មក ។
លោក Marcus Burtenshaw នាយកប្រតិបត្តិក្រុមហ៊ុនផ្តល់សេវាប្រឹក្សាយោបល់ Knight Frank Thailand បានឲ្យដឹងថា ការបោះឆ្នោតជាតិនឹងជំរុញដល់តម្រូវការការិយាល័យថ្មី បើទោះជាវាមិនកើតឡើងភ្លាមៗពិតមែន ក្តី ។ លោកបាននិយាយថា ៖« ពិភពលោកកំពុងតែងាកមកកាន់ការបង្រួម និងការទិញក្រុមហ៊ុនកាន់តែច្រើនឡើង។ វានឹងជំរុញដក់ការប្តូរទីតាំងការិយាល័យ ។ បច្ចេកវិទ្យាថ្មីៗនឹងផ្លាស់ប្តូរតម្រូវការផងដែរ ។ ការិយាល័យរួម និងកន្លែងជួលសម្រាប់ផ្តល់សេវានឹងក្លាយជានិន្នាការថ្មីមួយ »។
លោកបានឲ្យដឹងដែរថា ការរក្សាតម្រូវការខ្ពស់ ខណៈដែលការផ្គត់ផ្គង់មានកម្រិតបានធ្វើឲ្យតម្លៃជួលកើនឡើងតាំងពីឆ្នាំ២០០៤ មកដល់ទៅ៧៣,៩% ។ ការផ្គត់ផ្គង់ថ្មីៗដែលនឹងមានលើទីផ្សារចាប់ពីឆ្នាំ២០២០ ទៅអាចជួយរក្សាតម្លៃជួលឲ្យបន្តកើនឡើងផងដែរ ។
យោងតាមការស្រាវជ្រាវទីផ្សាររបស់Knight Frank បានឲ្យដឹងថា ការិយាល័យថ្មីៗដែលនឹងសម្រេចការសាងសង់ក្នុងអំឡុងពីឆ្នាំ២០១៩ដល់២០២៣ សរុបស្មើ៨៤២.៧៩៤ម៉ែត្រការ៉េ ។ ការិយាល័យទាំងនេះ នឹងមានលើទីផ្សារក្នុងឆ្នាំ២០២១ ។ ក្នុងឆ្នាំ ២០១៩នេះមានគម្រោងការិយាល័យធំៗចំនួនបួនដែលនឹងត្រូវបានសម្រេចការសាងសង់ដែលសរុបស្មើ ១៩១.៦០៩ម៉ែត ្រការ៉េ ៕
ចែករំលែកព័តមាននេះ