រាជធានីភ្នំពេញ ៖ នៅក្នុងពិធីសាកល្បងនេះក៏មានការសម្ដែងសិល្បនិស្សិតមកពីសាកលវិទ្យាល័យវិចិត្រសិល្បៈមានរៀបជាផែនឈរ នៅទីលានកីឡាបាល់ទាត់ និងសិស្សានុសិស្សនៅវេទិកាអង្គុយ ខាងកើត សិស្សានុសិស្សមានកាន់ផ្ទាំងបដាសម្រាប់លើកប៉ាណូ និងមានក្បួនរថយន្ត ព្យុះហយាត្រាដង្ហែក្នុងពិធីអបអរទិវាជ័យជំនះដោយមានតុបតែងជានិមិត្តរូបនៃតំណាងខេត្តនីមួយ ៗ មានចំនួន២៩ រថយន្ត ។
ដោយ៤០ឆ្នាំបានកន្លងផុតទៅក៏ពិតមែន ប៉ុន្តែស្មារតីនៃជ័យជំនះ ៧មករារស់នៅជាអមតក្នុងទំព័រប្រវត្តិសាស្ត្ររបស់កម្ពុជានៅគ្រប់ជំនាន់បន្តទៅមុខដែលប្រជាពលរដ្ឋកម្ពុជាក្មេងចាស់ប្រុសស្រីមានមោទនភាពបានកើតជាជាតិខ្មែរក្នុងសម័យតេជោសែន ។ ជោគជ័យនៃនយោបាយឈ្នះឈ្នះរបស់រាជរដ្ឋាភិបាលកម្ពុជាក្រោមការដឹកនាំដ៏ឈ្លាសវៃរបស់សម្ដេចអគ្គមហាសេនាបតីតេជោហ៊ុន សែន បានធ្វើឲ្យរំលំរលាយទាំងស្រុងនូវអង្គការចាត់តាំងនយោបាយ និងយោធារបស់ពួកប៉ុលពតបង្កើតបានសន្តិភាពពេញលេញ និងការឯកភាពជាតិនៅទូទាំងប្រទេសជាលើកដំបូង ចាប់ពីចុងឆ្នាំ១៩៩៨ មក ។
សន្តិភាព ស្ថិរភាព និងការបង្រួបបង្រួមជាតិបានផ្ដល់នូវកាលានុវត្តភាពវិសេសវិសាលដែលមិនធ្លាប់មានពីមុនមកដល់ប្រជាជនកម្ពុជារោងការបន្ទាប់ស្តារ និងអភិវឌ្ឍន៍សេដ្ឋកិច្ចសង្គមរបស់ខ្លួន ។ ជាមួយនឹងភាពអនុគ្រោះទាំងនោះក្នុងរយៈពេល៥ ឆ្នាំចុងក្រោយនេះកម្ពុជាបានធ្វើឲ្យសម្រេចជោគជ័យលើគ្រប់វិស័យទាំងខាងនយោបាយសេដ្ឋកិច្ចសង្គមវប្បធម៌ និងការបរទេសនៅក្នុងដំណើរអភិវឌ្ឍន៍របស់ខ្លួនកម្ពុជារក្សាបាននូវស្ថិរភាពនយោបាយស្ថេរភាពសង្គម ស្ថិរភាពម៉ាក្រូសេដ្ឋកិច្ច ស្ថេរភាពហិរញ្ញវត្ថុការពារបានរឹងមាំនូវអធិបតិយ្យ បូរណភាពទឹកដីសន្តិសុខ និងសុវត្ថិភាព ។ បច្ចុប្បន្នប្រជាជនកម្ពុជាកំពុងរស់នៅយ៉ាងសុខដុមរមនាប្រកបដោយកី្តសង្ឃឹម ។
ក្រោមពន្លឺនៃសន្តិភាពសេរីភាព និងអភិវឌ្ឍន៍ ។ រយៈពេល ៤០ ឆ្នាំកន្លងទៅផ្ដើមពីជ័យជម្នះ ៧មករា ប្រជាជនកម្ពុជាបានសម្រេចនូវការផ្លាស់ប្ដូរសង្គមយ៉ាងធំធេងដែលគ្មានអ្នកណាអាចនឹកស្មានដល់ ។ កម្ពុជាបានប្រែក្លាយពីវាលពីឃាតនៃរបបប្រល័យពូជសាសន៍ពីសមរភូមិនៃសង្គ្រាមដ៏រ៉ាំរ៉ៃពីការបែកបាក់ជាតិ និងការបែងចែកទឹកដីក្លាយជាប្រជាជាតិ១ ដែលមានសុខសន្តិភាព សេរីភាពឯកភាព ស្ថេរភាព និងអភិវឌ្ឍន៍លើគ្រប់វិស័យធ្វើអោយជីវភាពប្រជាជនត្រូវបានលើកកម្ពស់ឥតឈប់ឈរ ។
នេះ គឺជាលើកដំបូងនៅក្នុងប្រវត្តិសាស្ត្ររយៈពេលជាង៥០០ ឆ្នាំមកនេះ បន្ទាប់ពីសម័យអង្គរដ៏រុងរឿងដែលប្រជាជនកម្ពុជាទទួលបាននូវសន្តិភាពពេញលេញមានការឯកភាពជាតិ ឯកភាពទឹកដី និងកំពុងរស់នៅយ៉ាងសុខដុមរមនាក្រោមដំបូលនៃរដ្ឋធម្មនុញ្ញតែមួយ ៕
ចែករំលែកព័តមាននេះ