តើលោកអ្នកមានឆ្ងល់ទេថា ហេតុអ្វីបានជាក្រុមហ៊ុនរថយន្តជប៉ុន Toyota មិនផលិតរថយន្ត Prius ដែលកំពុងពេញនិយមថាស៊ីសាំងតិចនេះឱ្យក្លាយជារថយន្តមានកម្ពស់ខ្ពស់បន្តិច ឬហៅថា ប្រភេទ Crossover ដូចLexus RX300 ? តាមការពិតគឺមកពីក្រុមហ៊ុនខ្លាច ។
យោងតាមការចេញផ្សាយរបស់វេបសាយ carbuzz កាលពីថ្ងៃទី១ មករា កន្លងមក បានឲ្យដឹងថា រថយន្ដPriusរបស់តូយ៉ូតាពិតជាពេញនិយមដោយសារតែវាស៊ីសាំងតិច ។ ការដែលក្រុមហ៊ុនមិនផលិតឲ្យខ្ពស់បន្ដិចនោះ ព្រោះខ្លាចវាក្លាយជាគូប្រជែងជាមួយនឹងរថយន្តក្នុងក្រុមហ៊ុនខ្លួនឯង គឺToyota RAV4 Hybrid ។
សារព័ត៌មានដដែលបានបន្ដថា ការបំពាក់បច្ចេកវិទ្យា AWD ឬ វិលកង់ទាំងបួន នៅលើរថយន្ត Prius ស៊េរី២០១៩ ត្រូវបានមហាជនមានការពេញចិត្តយ៉ាងខ្លាំង ហើយក្រុមហ៊ុនចង់លក់វាឱ្យបាន២៥%នៃរថយន្ត RAV4 របស់ខ្លួន ។
រថយន្ត RAV4 ដែលប្រើប្រាស់Hybrid គឺស៊ីសាំងតិច ត្រឹមកម្រិត៤០MPG វាពិតជាល្អខ្លាំងណាស់សម្រាប់រថយន្តCrossover ហើយវាអាចជាគូប្រជែងខ្លាំងជាមួយនឹងការលក់រថយន្ត Prius ។
ពេលនេះក្រុមហ៊ុនកំពុងគិតគូរពីការផ្លាស់ប្ដូរការឌីហ្សាញផងដែរ ព្រោះថាការដាក់លក់រថយន្ត RAV4 Hybrid លើទីផ្សារ កំពុងគំរាមកំហែងរថយន្តPrius ឲ្យដើរចូលមឈូស ស្របពេលក្រុមហ៊ុន Honda បានសម្រេចចិត្តផលិតរថយន្តប្រជែងនឹងPriusដែរ ហៅថា Kia Insight និងរថយន្ត Kia Niro ហើយក៏កំពុងប្រជែងនឹង RAV4 Hybridដែរ។ ដូចនេះ ប្រសិនបើក្រុមហ៊ុនToyota គិតគូរដល់ការលក់លើទីផ្សារ គេនឹងមិនចេញម៉ូដរថយន្តPrius ឱ្យមានកម្ពស់ខ្ពស់ដល់កម្រិតប្រភេទរថយន្ត Crossover ឡើយ ។
ពេលនេះ អ្នកនៅក្នុងវិស័យរថយន្ដកំពុងចាប់អារម្មណ៍ចង់ដឹងពីរបៀបដែលToyota កំពុងដើរនៅលើផ្លូវនេះ ថាតើអាចនឹងផលិតរថយន្តPrius ឱ្យទៅជាប្រភេទ Crossover ឬយ៉ាងណា ?
ចែករំលែកព័តមាននេះ