រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កម្លាំងកងរាជអាវុធហត្ថ បានធ្វើការចុះទៅមជ្ឈមណ្ឌលកែសម្ផស្ស «ឌែម៉ូគ្លីនិក» ជាប់សង្ស័យមានបង្កប់កាមេរ៉ា ដើម្បីថតរូបយកទៅជំរិតទារប្រាក់ពីជនរងគ្រោះអស់រាប់ម៉ឺនដុល្លារ បន្ទាប់ពីចូលទៅកែសម្ផស្សក្នុងទីនោះ ។…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កម្លាំងកងរាជអាវុធហត្ថ បានធ្វើការចុះទៅមជ្ឈមណ្ឌលកែសម្ផស្ស «ឌែម៉ូគ្លីនិក» ជាប់សង្ស័យមានបង្កប់កាមេរ៉ា ដើម្បីថតរូបយកទៅជំរិតទារប្រាក់ពីជនរងគ្រោះអស់រាប់ម៉ឺនដុល្លារ បន្ទាប់ពីចូលទៅកែសម្ផស្សក្នុងទីនោះ ។ ហេតុការណ៍នេះ បានបង្កការភ្ញាក់នារសៀលថ្ងៃទី០២ មករា នេះ ស្ថិតនៅផ្ទះលេខ១២១ ផ្លូវ៥០៦ កែងផ្លូវ៣០៧ ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ។
សេចក្តីរាយការណ៍បន្តថា អ្វីដែលគួរឱ្យភ្ញាក់ផ្អើលបំផុត គឺម្ចាស់ហាងកែសម្ផស្ស«ឌែម៉ូគ្លីនិក»នេះ គឺជាអ្នកស្រីហូវ ដាណេ នាយិកាឌែម៉ូគ្លីនិក ដែលទើបតែចូលរោងការជាមួយសេដ្ឋីថៃមានប្រាក់រាប់លាន កាលពីពេលថ្មីៗនេះប៉ុណ្ណោះ ។ ប្រភពបន្តទៀតថា សមត្ថកិច្ចអាវុធហត្ថលើផ្ទៃប្រទេសបាននិងកំពុងឃាត់ខ្លួនសួរនាំ និងកំពុងឆែកឆេក្នុងគ្លីនិកផងដែរ ។
បើតាមប្រភពគួរឱ្យទុកចិត្តបានឱ្យកោះសន្តិភាពដឹងថា ហាងគ្លីនិករបស់លោកស្រីហូវ ដាណេ ដែលជាប់ចោទបានដាក់កាមេរ៉ាលួចថតរូបតារាៗមួយចំនួន រួមទាំងអតិថិជនផ្សេងទៀត ។ នៅពេលពួកគាត់ចូលទៅកែសម្ផស្សគឺបានថតរូបភាពទាំងនោះ ហើយយកទៅជំរិតទារប្រាក់ពីជនរងគ្រោះច្រើនមុឺនដុល្លារតែម្តង។ ប្រភពបន្តទៀតថា ហេតុដូច្នេះ ទើបធ្វើឱ្យផ្ទុះកំហឹងខ្លាំងក្នុងចំណោមជនរងគ្រោះជាច្រើន ដោយបាននាំគ្នាមកដាក់ពាក្យបណ្ដឹងប្តឹងមកសមត្ថកិច្ចអាវុធហត្ថលើផ្ទៃប្រទេសតែម្ដង ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ