ខេត្តរតនគិរី ៖ គំនរឈើជាច្រើនកន្លែងត្រូវបានកម្លាំងសមត្ថកិច្ចចម្រុះចុះបង្ក្រាបដែលក្រុមឈ្មួញបានកាប់បំផ្លាញពីក្នុងព្រៃសហគមន៍បម្រុងទុកជារបស់រដ្ឋយកមកលាក់ទុករាយប៉ាយនៅក្បែរព្រៃ និងដើមស្វាយចន្ទីត្រៀមដឹកឆ្លងដែនទៅប្រទេសវៀតណាម ។ ប្រតិបត្តិការបង្ក្រាប និងរឹបអូសឈើខាងលើនេះបានធ្វើឡើងនៅវេលាម៉ោង១២និង៣០នាទី ថ្ងៃទី២៩ ខែធ្នូ ឆ្នាំ២០១៨…
ខេត្តរតនគិរី ៖ គំនរឈើជាច្រើនកន្លែងត្រូវបានកម្លាំងសមត្ថកិច្ចចម្រុះចុះបង្ក្រាបដែលក្រុមឈ្មួញបានកាប់បំផ្លាញពីក្នុងព្រៃសហគមន៍បម្រុងទុកជារបស់រដ្ឋយកមកលាក់ទុករាយប៉ាយនៅក្បែរព្រៃ និងដើមស្វាយចន្ទីត្រៀមដឹកឆ្លងដែនទៅប្រទេសវៀតណាម ។
ប្រតិបត្តិការបង្ក្រាប និងរឹបអូសឈើខាងលើនេះបានធ្វើឡើងនៅវេលាម៉ោង១២និង៣០នាទី ថ្ងៃទី២៩ ខែធ្នូ ឆ្នាំ២០១៨ កន្លងទៅស្ថិតក្នុងភូមិចង ឃុំញ៉ាង ស្រុកអណ្តូងមាស ខេត្តរតនគិរី ។
សមត្ថកិច្ចចម្រុះដែលចុះបង្ក្រាបក្នុងនោះរួមមានកម្លាំងអាវុធហត្ថចំនួន០៨នាក់ ប៉ូលិសចំនួន១០នាក់ យោធា០២នាក់ រដ្ឋបាលព្រៃឈើ០២នាក់បានសហការចុះបង្ក្រាបគំនរឈើប្រភេទលេខ១ ស្រឡៅគគី និងសុក្រម បានជាច្រើនកំណាត់ដែលមានមុខកាត់ធំៗ ។
ក្រោយពីការចុះបង្ក្រាបរួចមកកម្លាំងសមត្ថកិចម្រុះធ្វើការដឹកជញ្ជួនឈើទាំងនោះយកមករក្សាទុកនៅស្នាក់ការសន្តិសុខលេខ៧៨៧ ដើម្បីរង់ចាំធ្វើការវាស់វែងឱ្យដឹងពីចំនួនឈើទាំងនេះ ។ ឈ្មួញជាម្ចាស់ឈើខាងលើនេះនៅមិនទាន់បង្ហាញអត្តសញ្ញាណនៅឡើយទេ ៕
ចែករំលែកព័តមាននេះ