រាជធានីភ្នំពេញ៖ តារាសម្តែងលោកអឹិុម ជីវ៉ា បានប៉ះសម្តីគ្នាជាមួយលោកថៃ នរៈសត្យា រដ្ឋលេខាធិការក្រសួងវប្បធម៌ និងវិចិត្រសិល្បៈពាក់ព័ន្ធទៅនឹងរឿងរ៉ាវតារាចម្រៀងទេព បូព្រឹក្ស ។ ការប៉ះសម្តីនេះបានកើតឡើងបន្ទាប់ពីលោកអឹុម ជីវ៉ា បានថតជាវីដេអូឃ្លីបមួយបែបកំប្លែង ក្នុងន័យដៀមដាមផ្លែផ្កាសម្តៅទៅលោក ថៃ នរៈសត្យា ដែលបានលើកឡើងពីរឿងគប់កំប៉ុងស្រាបៀរដាក់ទេព បូព្រឹក្ស គឺជារឿងតូចតាច។
ដើមហេតុដែលនាំឲ្យលោកអឹុម ជីវ៉ា បានហ៊ានប្រើពាក្យសម្តីដ៏ក្លាហាន ជាមួយនឹងការរំលើកបើកកកាយរឿងខ្លះរបស់លោកថៃ នរៈសត្យា គឺដោយសារតែលោករដ្ឋលេខាធិការបានឆ្លើយឆ្លងជាមួយមហាជនម្នាក់ក្នុងន័យបន្តុះបង្អាប់លោកអឹុម ជីវ៉ា ។ ផ្តើមពីការផ្លោងសម្តីដាក់គ្នា លោកថៃ នរៈសត្យា បានឆ្លើយតបជាមួយប្រិយមិត្តមួយរូបដែលបានCommand ចូលពីក្រោមអ្វីដែលលោកបានបង្ហោះ ដោយអះអាងថា សូម្បីលោកអឹុម ជីវ៉ា ដែលជាតារា ប្រឹងរះមិនសូវមានគេចាប់អារម្មណ៍ រហូតហ៊ានសម្តែងជាសាច់រឿងប្រមាថដល់ថ្នាក់ដឹកនាំក្នុងក្រសួងរបស់ខ្លួនដែរ ។
ពាក្យពេចន៍នេះត្រូវបានលោកថៃ នរៈសត្យា ឆ្លើយតបទៅវិញថា វាជាករណីដែលគួរអាណិតណាស់ចំពោះក្តឹបមមង់តារាមួយនេះ…ស្អីក៏មិនអំណោយផលចំពោះភាពដែលអាចលេចធ្លោក្នុងសិល្ប:បានដែរ មានតែខំបោកក្បាលទៅនឹងរឿងកំប៉ិកកំប៉ុកអីុចឹងហើយ សុំក្រែងបានគេស្គាល់ខ្លះ ទោះដឹងជាមុនថាវាមិនអាចអូសមុខទៅរកភាពល្បីខាងល្អកើតក៏ដោយ…» ។
អត្ថន័យនេះបានធ្វើឲ្យលោកអឹុម ជីវ៉ា ខឹងក៏វាយបកទៅកាន់លោកថៃ នរៈសត្យា វិញថា «សូមគោរព និងជូនចំពោះឯកឧត្តមថៃ នរៈសត្យា ដោយក្តីគោរព ក្មួយសូមជម្រាបឯកឧត្តមថា ក្មួយជាក្តឹបមមង់តារា វាមិនល្បី មិនលេចធ្លោទេឯកឧត្តម តែក្មួយខំប្រឹងរស់ដោយការតស៊ូពីបាតដៃទទេជាមួយសិល្បៈ រស់នៅជាមួយព្រះសង្ឃ មិនដែលបានបំផ្លាញយកលុយម៉ែឳចាយ ឬបំផ្លាញក្នុងគ្រួសារឡើយ ក្មួយខំប្រឹងចង់ល្បីដោយមិនប្រើខ្សែដូចគេ …! អ្នកខ្លះកូនប្រលងហ្វ្រេស៊ី ឪធ្វើគណៈអធិបតី…! ។
តាំងពីក្មួយចូលសិល្បៈមកក៏មិនដែលបានដើរទៅណាដើម្បីបំផ្លាញសង្គម ឲ្យសង្គមស្អប់ខ្ពើម ហើយខ្ញុំក៏មិនបានទៅលក់គ្រឿងញឿនដែរ ឯកឧត្តមអើយ …! ក្មួយក៏មិនបានទៅខ្ចីលុយធនារគារដើម្បីបំពេញភាពហ៊ឺហាដូចអ្នកខ្លះទេឯកឧត្តម …! គឺក្មួយទទួលស្គាល់អ្វីដែលក្មួយមាន ក្មួយជាអ្នកក្រ រស់ដោយកិត្តិយស បើគេជួលទៅសម្តែងក្មួយទៅ ទៅច្រៀងម្តងបានតែ១០ដុល្លារ ឡើងទូរទស្សន៍ម្តងគេឲ្យតែ២០ដុល្លារហ្នឹងឯកឧត្តម ។ ក្មួយខំប្រឹងរកលុយមកចិញ្ចឹមគ្រួសារ ។
ក្មួយសូមថ្លែងអំណរគុណដែលឯកឧត្តមប្រើភាសាសរសេលើ comment Facebook ភាសាសរសេរបស់ឯកឧត្តមក្មួយមិនថាឯកឧត្តមមើលងាយក្មួយទេ តែក្មួយពិតជាមានកិត្តិយសដែលបានរដ្ឋលេខាធិការក្រសួងមក comment ចំពោះពាក្យពេជ្រដ៏មានន័យក្នុង comment នេះ !»៕
ចែករំលែកព័តមាននេះ