ខេត្តតាកែវ ៖ បុរសម្នាក់បានចងកសម្លាប់ខ្លួន បង្កការភ្ញាក់ផ្អើលកាលពីវេលាម៉ោង៤និង៥០នាទីរសៀលថ្ងៃទី២៦ ខែធ្នូ ឆ្នាំ២០១៨ ស្ថិតនៅភូមិកំពង់រាប ឃុំកំពង់រាប ស្រុកព្រៃកប្បាស ខេត្តតាកែវ។
លោកអធិការនគរបាលស្រុកព្រៃក្រប្បាសប្រាប់ថា ជនរងគ្រោះដែលស្លាប់ឈ្មោះ ជួន ឡូ ភេទប្រុស អាយុ៤៣ឆ្នាំ រស់នៅភូមិ-ឃុំកើតហេតុខាងលើ។
តាមសម្តីសាច់ញាតិជនរងគ្រោះបានបញ្ជាក់ថា ជនរងគ្រោះជាមនុស្សស្រវឹងស្រាជាប្រចាំ និងចេះតែរករឿងប្រពន្ធនិងកូន ហើយថែមទាំងគំរាមចងកសម្លាប់ខ្លួនជាញឹកញាប់មកហើយ លុះមកដល់ថ្ងៃកើតហេតុ ស្រាប់តែប្រទះឃើញរងគ្រោះបានចងកសម្លាប់ខ្លួន ដោយគ្មានអ្នកដឹង និងជួយសង្គ្រោះបានឡើយ។
ក្រោយកើតហេតុ សមត្ថកិច្ចជំនាញនៃអធិការដ្ឋាននគរបាលស្រុកព្រៃកប្បាសជាមួយនឹងលោកគ្រូពេទ្យជំនាញបានចុះត្រួតពិនិត្យ និងធ្វើកោសល្យវិច័យលើសព រកឃើញថា ជនរងគ្រោះពិតជាបានចងកធ្វើអត្តឃាតខ្លួនឯងប្រាកដមែន។
ក្រោយពីធ្វើកំណត់ហេតុ និងធ្វើកោសល្យវិច័យរួច សពត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ