រាជធានីភ្នំពេញ ៖ ដើម្បីធ្វើឲ្យចំណងមិត្តភាពកម្ពុជា -កូរ៉េកាន់តែល្អបន្ថែមទៀតសភានៃព្រះរាជណាចក្រកម្ពុជាបានប្រកាសជំហរគាំទ្ររដ្ឋាភិបាលនៃសាធារណរដ្ឋកូរ៉េទាំងក្នុងក្របខណ្ឌ ទ្វេភាគី និងពហុភាគីក្នុងតំបន់ក៏ដូចសកលោក ។
ការលើកឡើងបែបនេះធ្វើឡើងក្នុងជំនួបពិភាក្សាការងាររវាងលោកស្រី ឃួន សុដារីអនុប្រធានទី២ រដ្ឋសភាជាមួយគណៈប្រតិភូគណៈកម្មាធិការនីតិកម្ម និងយុត្តិធម៌ កូរ៉េ ដែលដឹកនាំដោយលោក Joo kwang Deok សមាជិករដ្ឋសភាលើកទី២០ នៃសាធា រណៈរដ្ឋកូរ៉េ នាព្រឹកថ្ងៃទី២៥ ធ្នូ ឆ្នាំ២០១៨ នៅវិមានរដ្ឋសភា ។
ក្នុងជំនួបពិភាក្សាលោកស្រី ឃួន សុដារី បានលើកឡើងពីកិត្យានុភាពរបស់សាធារណរដ្ឋកូរ៉េ ដែលមានភាពល្បីល្បាញលើកឆាកអន្តរជាតិដែលបានឆ្លុះបញ្ចាំងឲ្យឃើញអំពីការដឹកនាំដ៏ត្រឹមត្រូវ និងឈ្លាសវៃរបស់ថ្នាក់ដឹកនាំកូរ៉េ ហើយសម្រេចបានជោគជ័យថ្មីៗបន្ថែមទៀត ក្នុងការការពារ និងអភិវឌ្ឍន៍ប្រទេសឆ្ពោះទៅកាន់ភាពសំបូររុងរឿង ។
ក្នុងនាមតំណាងសម្តេចហេង សំរិន ប្រធានរដ្ឋសភាលោកស្រីអនុប្រធានទី១រដ្ឋសភាក៏បានបញ្ជាក់ជូនប្រតិភូជាថ្មីទៀតយ៉ាងដូច្នេះថា « ជានិច្ចកាលព្រះរាជាណាចក្រកម្ពុជាប្រកាន់ខ្ជាប់នូវជំហរគាំទ្ររដ្ឋាភិបាលនៃសាធារណរដ្ឋកូរ៉េទាំងក្នុងក្របខណ្ឌទ្វេភាគី និងពហុភាគីក្នុងតំបន់ក៏ដូចសកលោក ។
លោកស្រីបានបន្ថែមទៅទៀតនោះ គឺព្រះរាជាណាចក្រកម្ពុជាអបអរសាទរ និងគាំទ្រដល់ គោលនយោបាយឆ្ពោះទៅទិសខាងត្បូង (New South Policy) របស់ប្រធានាធិបតី មូន ចាអ៊ីន (Moon Jae-in) ដែលបានផ្តោតសំខាន់លើចំណងកិច្ចសហប្រតិបត្តិជាមួយប្រទេសនៅអាស៊ី-អាគ្នេយ៍ ។ លោកស្រី ឃួន សុដារី បានគូសបញ្ជាក់បន្ថែមថា សម្រាប់ព្រះរាជាណាចក្រកម្ពុជា ទាំងរាជរដ្ឋាភិបាល និងសភាមានមោទនភាព និងក្តីរីករាយណាស់ដែលបានអនុវត្តន៍គោលន យោបាលការទូតយ៉ាងត្រឹមត្រូវ គឺការបង្កើតទំនាក់ទំនង និងកិច្ចសហប្រតិបត្តិការ អន្តរជាតិរ វាងព្រះរាជាណាចក្រកម្ពុជាជាមួយសាធារណរដ្ឋកូរ៉េ ដែលជាលទ្ធផលយើងសង្កេតឃើញថា សាធារណរដ្ឋកូរ៉េបានរួមចំណែកជាច្រើនដល់ការអភិវឌ្ឍ និងកាត់បន្ថយភាពក្រីក្រនៅកម្ពុជា។
លោកស្រីបានលើកឡើងបន្ថែមថា ចំណងទាក់ទងសហប្រតិបត្តិការនេះ គឺផ្អែកលើមូលដ្ឋាន គ្រឹះដ៏សំខាន់នៃការស្តារឡើងវិញ នូវទំនាក់ទំនងការទូតរវាងប្រទេសទាំងពីរ , ការចូលរួមវិនិ យោគនូវកម្ពុជា ការចូលរួមផ្តល់នូវជំនួយឥតសំណងជាច្រើនដល់កម្ពុជាលើវិស័យជាច្រើនដូចជា កសិកម្ម និងបច្ចេកទេស, ការជម្រុញផ្នែកឧស្សាហកម្មកម្រិតខ្ពស់ ការអភិវឌ្ឍ ធនធានមនុ ស្សកម្ពុជាលើជំនាញជាច្រើន ។
នៅក្នុងជំនួបនេះផងដែរ លោក ជូ វ៉ាងឌឿក (Joo Kwang Deok) បានលើកឡើងថា លោក ពិតជាមានកិត្តិយស និងមោទនភាពណាស់ព្រមទាំងថ្លែងអំណរគុណដែលលោកអនុប្រធា នទី១ រដ្ឋសភាដែលបានឆ្លៀតពេលវេលាពីការងារដ៏មមាញឹកទទួលស្វាគមន៍គណៈប្រតិភូសភានៃសាធា រណរដ្ឋកូរ៉េយ៉ាងកក់កៅ្តនាពេលនេះ ។ លោកថា កាលពី៥ឆ្នាំមុនលោកព្រមទាំងក្រុមគ្រួសារបានមកទស្សនាប្រាសាទអង្គរវត្តនៅខេត្តសៀមរាបដែលធ្វើឲ្យលោកមានអារម្មណ៍ថា ប្រទេសកម្ពុជាកំពុងតែមានការអភិវឌ្ឍរីកចម្រើន ហើយលោកគិតថា ប្រទេសកម្ពុជានឹងក្លាយទៅជាប្រទេសកាន់តែជឿនលឿនឆាប់ៗខាងមុខនេះ ។
លោកគូសបញ្ជាក់ថា« ក្នុងនាមជាតំណាងរាស្ត្រនៃសភាសាធារណរដ្ឋកូរ៉េ លោកនឹងខិតខំប្រឹ ងប្រែងក្នុងការពង្រឹងពង្រីកចំណងទាក់ទងនៃសភាប្រទេសទាំងពីរឲ្យកាន់តែរីកចម្រើនទៅមុខបន្ថែមទៀត »។ ជាចុងបញ្ចប់ ក្នុងនាមសម្តេចប្រធានរដ្ឋសភា និងក្នុងនាមផ្ទាល់លោកស្រី ឃួន សុដារី អនុប្រធានទី២ នៃរដ្ឋសភា សូមផ្ញើការសួរសុខទុក្ខពីថ្នាក់ដឹកនាំកម្ពុជាជូនចំពោះថ្នាក់ដឹកនាំ នៃសាធារណរដ្ឋកូរ៉េទាំងអស់ និងសូមប្រសិទ្ធិពរនាឱកាសចូលឆ្នាំសកលថ្មីសូមសមប្រកបដោយសុខភាពល្អ និងរីករាយឆ្នាំថ្មី ៕
ចែករំលែកព័តមាននេះ