ខេត្តបន្ទាយមានជ័យ ៖តាមសេចក្តីរាយការណ៍បឋមបានឲ្យដឹងថា ព្រឹកថ្ងៃទី២៥ ធ្នូ ២០១៨ នេះ ពលរដ្ឋមួយក្រុមនៅភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត បានលើកគ្នាតវ៉ារហូតយកដែកធ្វើបារាសបិទផ្លូវមិនឲ្យរថយន្តធំៗពិសេសរថយន្តដឹកខ្សាច់ចូលទៅក្រុមហ៊ុនបេតុងលាយស្រេចមួយ ឈ្មោះក្រុមហ៊ុន…
ខេត្តបន្ទាយមានជ័យ ៖តាមសេចក្តីរាយការណ៍បឋមបានឲ្យដឹងថា ព្រឹកថ្ងៃទី២៥ ធ្នូ ២០១៨ នេះ ពលរដ្ឋមួយក្រុមនៅភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត បានលើកគ្នាតវ៉ារហូតយកដែកធ្វើបារាសបិទផ្លូវមិនឲ្យរថយន្តធំៗពិសេសរថយន្តដឹកខ្សាច់ចូលទៅក្រុមហ៊ុនបេតុងលាយស្រេចមួយ ឈ្មោះក្រុមហ៊ុន ឈុនហេង ស៊ីម៉ងត៍លាយស្រេចដែលនៅកន្លែងកើតហេតុ ។
សេចក្តីរាយការណ៍បានបន្តថា បារាសដែកត្រូវបានអ្នកស្រុកដាក់ជាប់ខ្លោងទ្វារវត្តពោធិសុវណ្ណសិលារាម ដែលជាផ្លូវចូលភូមិនិងចូលក្រុមហ៊ុនខាងលើ ។
ពលរដ្ឋលើកឡើងថា ក្រុមហ៊ុនខាងលើធ្វើឲ្យប៉ះពាល់ច្រើនដល់អ្នកភូមិ និងសិស្សសាលាទីមួយបរិស្ថាន គឺប៉ះពាល់ដល់សុខភាព ពេលក្រុមហ៊ុននេះក្រឡុកស៊ីម៉ងត៍ម្តងៗមានសភាពហ៊ុយទ្រលោមលើដងផ្លូវឆ្លងកាត់ ទី២ ពិបាកឆ្លងកាត់ ព្រោះតែរថយន្តដឹកខ្សាច់មានចំនួនច្រើនបន្តកន្ទុយគ្នា ពេលបត់ចូលចំណុចមុខក្រុមហ៊ុនម្តងៗ ។ ពួកគាត់ថា កន្លងមកបានប្តឹងទៅជាអាជ្ញាធរជាច្រើនដង តែពុំទាន់មានដំណោះស្រាយ ។
មួយវិញទៀតពួកគាត់សុំឲ្យក្រុមហ៊ុននេះចាក់បេតុងផ្លូវឲ្យដល់មុខរបងវត្ត ដើម្បីបញ្ចៀសបញ្ហាកើតមានដូចជា ការបង្ហៀរទឹកស៊ីម៉ងត៍កាត់ផ្លូវប៉ះពាល់គេឯង ។ បារាសខាងលើដាក់មិនបានប៉ុន្មានផង ស្រាប់តែតំណាងក្រុមហ៊ុនបញ្ជាឲ្យកម្មករវាយដោះសោយកចេញ ធ្វើឲ្យពលរដ្ឋក្តៅក្រហាយម្តងទៀត ។
ប៉ុន្តែទោះជាយ៉ាងណាពេលនេះតំណាងអាជ្ញាធរសង្កាត់លោកមេភូមិពលរដ្ឋ និងក្រុមហ៊ុនបាននិងកំពុងសុំជួបគ្នារកដំណោះស្រាយតែលទ្ធផលយ៉ាងណាមិនទាន់ដឹងនៅឡើយទេ ៕
ចែករំលែកព័តមាននេះ