ខេត្តបាត់ដំបង ៖ សេចក្ដីរាយការណ៍បឋមឱ្យដឹងថា យ៉ាងហោចមនុស្ស២នាក់បានស្លាប់ភ្លាមៗនៅនឹងកន្លែងកើតហេតុ ក្នុងឧប្បត្តិហេតុគ្រោះថ្នាក់ចរាចរណ៍ដ៏រន្ធត់មួយ រវាងរថយន្តនិងរថយន្តបុកគ្នាទាំងកំរោល កាលពីវេលាម៉ោង០៥ និង៥៥នាទីល្ងាចថ្ងៃទី២៤ ធ្នូ ស្ថិតលើផ្លូវជាតិលេខ៥៧…
ខេត្តបាត់ដំបង ៖ សេចក្ដីរាយការណ៍បឋមឱ្យដឹងថា យ៉ាងហោចមនុស្ស២នាក់បានស្លាប់ភ្លាមៗនៅនឹងកន្លែងកើតហេតុ ក្នុងឧប្បត្តិហេតុគ្រោះថ្នាក់ចរាចរណ៍ដ៏រន្ធត់មួយ រវាងរថយន្តនិងរថយន្តបុកគ្នាទាំងកំរោល កាលពីវេលាម៉ោង០៥ និង៥៥នាទីល្ងាចថ្ងៃទី២៤ ធ្នូ ស្ថិតលើផ្លូវជាតិលេខ៥៧ ត្រង់ចំណុចភូមិជីសាង ឃុំត្រែង ស្រុករតនមណ្ឌល ។
សមត្ថកិច្ចឱ្យដឹងថា ករណីគ្រោះថ្នាក់ចរាចរណ៍នេះ បង្កឡើងដោយរថយន្តម៉ាកវីហ្គោ ពណ៌.ស ពាក់ស្លាកលេខភ្នំពេញ 1971 អ្នកបើកបានរត់គេចខ្លួនបាត់ ។ ដោយឡែក រថយន្តភាគីម្ខាងទៀត ម៉ាកកាមរីស៊េរីចាស់ ពាក់ស្លាកលេខភ្នំពេញ 2E-1339 ។ សមត្ថកិច្ចបានរាយការណ៍ថា រថយន្តទាំង២គ្រឿងនេះ បានធ្វើដំណើរបញ្ច្រាសទិសគ្នាពីកើតទៅលិច តែបើពិនិត្យកន្លែងកើតហេតុ គេសង្ស័យទំនងភាគីរថយន្តម៉ាក
វីហ្គោ បានជ្រុលទៅបុករថយន្តកាមរី ទើបធ្វើឲ្យរថយន្តកាមរីនេះ ធ្លាក់ចេញពីផ្លូវជាតិ។
នៅក្នុងឧប្បតិហេតុនេះ មានមនុស្សចំនួន២នាក់បានស្លាប់ភ្លាមៗនៅកន្លែងកើតហេតុ ដែលគេស្គាល់ម្នាក់ឈ្មោះរឿន រ៉ន ភេទប្រុស អាយុ៣៩ឆ្នាំ រស់នៅភូមិភ្ជាវ ឃុំត្រែង ស្រុករតនមណ្ឌល និងម្នាក់ទៀតឈ្មោះ
ម៉ាណ រ៉ាន់ ភេទស្រី អាយុ៦០ឆ្នាំ រស់នៅភូមិ-ឃុំ ជាមួយគ្នា។
ទោះយ៉ាងណា ក្រោយពីធ្វើការវាស់វែង មន្ត្រីជំនាញបាននាំយករថយន្តទាំង២គ្រឿង ទៅរក្សាទុកនៅអធិការដ្ឋាននគរបាលស្រុករតនមណ្ឌល ដើម្បីចាត់ការតាមនីតិវិធី ខណ:សាកសពជនរងគ្រោះត្រូវគ្រុមគ្រួសារយកទៅកាន់លំនៅដ្ឋាន ដើម្បីធ្វើបុណ្យតាមប្រពៃណី ។
ចែករំលែកព័តមាននេះ