ខេត្តបន្ទាយមានជ័យ ៖ សង្ឃមួយអង្គដែលប្រភពថាជាអធិការវត្តនៅក្រុងប៉ោយប៉ែត នារសៀលថ្ងៃទី២៤ ធ្នូ បានព្រមលាលែងពីតួនាទីជាចៅអធិការ ប៉ុន្តែសុំផ្សឹកនៅឯស្រុកកំណើតក្នុងខេត្តពោធិ៍សាត់ ក្រោយពីបែកធ្លាយរឿងអាស្រូវខ្លួនតាមបណ្តាញសង្គមហ្វេសប៊ុក ដែលជាពិធីខួបកំណើតក្មេងម្នាក់សង្ស័យត្រូវជាកូន ធ្វើក្នុងអំឡុងយប់ថ្ងៃទី០២ធ្នូ…
ខេត្តបន្ទាយមានជ័យ ៖ សង្ឃមួយអង្គដែលប្រភពថាជាអធិការវត្តនៅក្រុងប៉ោយប៉ែត នារសៀលថ្ងៃទី២៤ ធ្នូ បានព្រមលាលែងពីតួនាទីជាចៅអធិការ ប៉ុន្តែសុំផ្សឹកនៅឯស្រុកកំណើតក្នុងខេត្តពោធិ៍សាត់ ក្រោយពីបែកធ្លាយរឿងអាស្រូវខ្លួនតាមបណ្តាញសង្គមហ្វេសប៊ុក ដែលជាពិធីខួបកំណើតក្មេងម្នាក់សង្ស័យត្រូវជាកូន ធ្វើក្នុងអំឡុងយប់ថ្ងៃទី០២ធ្នូ កន្លងមក ។
ទោះយ៉ាងណា កោះសន្តិភាពសុំមិនបញ្ចេញអត្តសញ្ញាណសង្ឃខាងលើទាំងស្រុងទេ ព្រោះតែមិនចង់ឱ្យប៉ះពាល់ដល់វិស័យព្រះពុទ្ធសាសនា ម្យ៉ាងជារឿងបុគ្គល ។ សង្ឃខាងលើ ត្រូវបានព្រះគ្រូអនុគណក្រុងប៉ោយប៉ែត និងមន្ត្រីសង្ឃសាលាអនុគណ ហៅមកសាកសួរនៅក្នុងវត្តសិរីមង្គលសុទ្ធរាម ហៅវត្តស្ទឹងបត់ នារសៀលថ្ងៃទី២៤ ធ្នូ ដដែល ប៉ុន្តែមិនអនុញ្ញាតឱ្យក្រុមអ្នកយកព័ត៌មានចូលរួមឡើយ ។
ប្រភពបន្តថា ប្រហែល២ម៉ោងក្រោយមក លទ្ធផលបានចេញជាផ្លែផ្កា ដោយយោងប្រភពពីតំណាងសមត្ថកិច្ចស្ថាប័នមួយដែលចូលរួមប្រាប់ថា ការពិតសង្ឃជាប់សង្ស័យ គឺបានព្រមទទួលកំហុស ទី១-ទទួលស្គាល់អ្វីៗដែលបែកធ្លាយ ទី២-សុំលាលែងពីចៅអធិការវត្ត(ទួលលក្ខរស្មីមានជ័យ ហៅវត្តទួលពង្រ)តែសុំទៅផ្សេងនៅឯស្រុកកំណើតក្នុងខេត្តពោធិ៍សាត់ ព្រោះអាណិតញោមម្តាយរបស់លោក ដែលកំពុងមានជងឺ ។
គួរបញ្ជាក់ដែរថា មុនឈានដល់ការលាឈប់ និងសុំផ្សឹកនេះ គឺមានអាក់ខោនហ្វេសប៊ុនមួយ ដែលសុំមិនបញ្ចេញឈ្មោះ បានបង្ហោះរូបពិធីខួបកំណើតគ្រួសារមួយ ដែលតួឱពុកគេសង្ស័យជាសង្ឃខាងលើមិនតែប៉ុណ្ណោះ មានទាំងឃ្លីបវីដេអូនិយាយថា អរគុណប្រពន្ធទិញខ្សែដៃឱ្យ និងមានរូបសង្ស័យជាច្រើនទៀត
ក្នុងដំណើរកំសាន្តតាមបណ្តាខេត្ត ប៉ុន្តែស្លៀកពាក់ជាជនស៊ីវិល ។
ក្រោយទទួលបានរូបភាពក្នុងបណ្តាញសង្គមរឿងមួយនេះ មានស្ថាប័នជំនាញតាមយ៉ាងប្រកិតប្រកើយ
ផងនោះ ។ កោះសន្តិភាព កាលពីរសៀលថ្ងៃទី២៣ ធ្នូ ម្សិលមិញ បានទៅសុំការបំភ្លឺពីសង្ឃជាប់សង្ស័យខាងលើដែរ តែមិនទទួលការបកស្រាយ ឬមានសង្ឃដីកាអ្វីទាំងអស់ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ