ខេត្តកំពត ៖ រថយន្តក្រឡុកស៊ីម៉ង់ត៍មិនស្គាល់ម៉ាកមួយគ្រឿងបានបុកគ្នាជាមួយម៉ូតូមួយគ្រឿង បណ្តាលឲ្យអ្នកបើកបរម៉ូតូស្លាប់យ៉ាងអាណោចអាធម័នៅកន្លែងកើតហេតុ ចំណែករថយន្តបានបើកគេចបាត់ដោយសុវត្ថិភាព ។ គ្រោះថ្នាក់ចរាចរដ៏រន្ធត់នេះបានកើតឡើងកាលពីវេលាម៉ោង៤និង១០នាទីរសៀលថ្ងៃទី២៣ ខែធ្នូ ឆ្នាំ២០១៨ នៅលើដងផ្លូវជាតិលេខ៣៣កំពត-កំពង់ត្រាច…
ខេត្តកំពត ៖ រថយន្តក្រឡុកស៊ីម៉ង់ត៍មិនស្គាល់ម៉ាកមួយគ្រឿងបានបុកគ្នាជាមួយម៉ូតូមួយគ្រឿង បណ្តាលឲ្យអ្នកបើកបរម៉ូតូស្លាប់យ៉ាងអាណោចអាធម័នៅកន្លែងកើតហេតុ ចំណែករថយន្តបានបើកគេចបាត់ដោយសុវត្ថិភាព ។
គ្រោះថ្នាក់ចរាចរដ៏រន្ធត់នេះបានកើតឡើងកាលពីវេលាម៉ោង៤និង១០នាទីរសៀលថ្ងៃទី២៣ ខែធ្នូ ឆ្នាំ២០១៨ នៅលើដងផ្លូវជាតិលេខ៣៣កំពត-កំពង់ត្រាច ត្រង់ចំណុចស្ពានព្រៃលីពីរ ស្ថិតក្នុងភូមិត្រពាំងធំ ឃុំត្រពាំងសង្កែ ស្រុកទឹកឈូ ខេត្តកំពត ។
ជនរងគ្រោះដែលស្លាប់ឈ្មោះស៊ាន វុន ភេទប្រុស អាយុ២៥ឆ្នាំ រស់នៅភូមិកូនសត្វ ឃុំកូនសត្វ ស្រុកទឹកឈូ ខេត្តកំពត ជាអ្នកបើកបរម៉ូតូម៉ាកហុងដា ធុនសេ១២៥ ពណ៌ខ្មៅ ពាក់ផ្លាកលេខ កំពត ១J-៤៣៧៨ ។ ចំណែករថយន្តក្រឡុកស៊ីម៉ង់ត៍មិនស្គាល់ម៉ាក អ្នកបើកបរមិនស្គាល់អត្តសញ្ញាណ ។
បើតាមប្រភពព័ត៌មានពីអ្នកធ្វើដំណើរតាមផ្លូវដែលឃើញហេតុការខាងលើបានឲ្យដឹងថា មុនពេលកើតហេតុ គេអ្នកបើកបរម៉ូតូម៉ាកហុងដាបានបើកវ៉ារថយន្តមួយគ្រឿងដែលនៅពីមុខមិនបានមើលរថយន្តដែលកំពុងបើកបរបញ្ជ្រាសទិសគ្នា ក៏វាក់ជាមួយរថយន្តក្រឡុកស៊ីម៉ង់ត៍ ដែលកំពុងបើកបរបញ្ជ្រាសទិសគ្នាបានបុកនិងកិនតែម្តង បណ្តាលឱ្យអ្នកបើកបរម៉ូតូបាក់ជើងម្ខាង និងបែកក្បាលធ្លាយខួរស្លាប់នៅនឹងកន្លែងកើតហេតុ។ ចំណែករថយន្តបានបើកគេចបាត់ដោយសុវត្ថិភាព ។
ក្រោយពីសមត្ថកិច្ចធ្វើការវាស់វែងនិងពិនិត្យរួច សពត្រូវបានប្រគល់ឲ្យក្រុមគ្រួសារយកទៅរៀបចំធ្វើបុណ្យតាមប្រពៃណី ។ រីឯម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋានស្រុកទឹកឈូ និងតាមស្រាវជ្រាវអ្នកបើកបររថយន្តបង្ក ដើម្បីឲ្យចូលខ្លួនមកដោះស្រាយតាមផ្លូវច្បាប់ ៕
ចែករំលែកព័តមាននេះ