ខេត្តកំពត ៖ តាមសេចក្តីរាយការណ៍ពីនគរបាលចរាចរក្រុងកំពតបានឲ្យដឹងថា មនុស្ស៣នាក់បានរងរបួសធ្ងន់ និងស្រាលក្នុងករណីគ្រោះថ្នាក់ចរាចរវាងម៉ូតូនិងម៉ូតូបុកគ្នានៅចំណុចផ្លូវបំបែកជាបួនមុខសាកលវិទ្យាល័យអង្គរខេមរា ស្ថិតក្នុងភូមិ១ឧសភា សង្កាត់កំពង់កណ្តាល ក្រុងកំពត កាលពីវេលាម៉ោង៩យប់ថ្ងៃទី២២ ខែធ្នូ…
ខេត្តកំពត ៖ តាមសេចក្តីរាយការណ៍ពីនគរបាលចរាចរក្រុងកំពតបានឲ្យដឹងថា មនុស្ស៣នាក់បានរងរបួសធ្ងន់ និងស្រាលក្នុងករណីគ្រោះថ្នាក់ចរាចរវាងម៉ូតូនិងម៉ូតូបុកគ្នានៅចំណុចផ្លូវបំបែកជាបួនមុខសាកលវិទ្យាល័យអង្គរខេមរា ស្ថិតក្នុងភូមិ១ឧសភា សង្កាត់កំពង់កណ្តាល ក្រុងកំពត កាលពីវេលាម៉ោង៩យប់ថ្ងៃទី២២ ខែធ្នូ ឆ្នាំ ២០១៨។
ភាគីម៉ូតូមួយគ្រឿងជិះគ្នា២នាក់ម៉ាកហុងដា ធុនសេ១២៥ ស៊េរី ឆ្នាំ២០១៨ ពណ៌ខ្មៅ ពាក់ផ្លាកលេខ កំពត ១M-៣៨៣១ បើកបរដោយឈ្មោះណន រ៉ាត់ ភេទស្រី អាយុ៣៦ឆ្នាំ រងរបួសសន្លប់នៅនឹងកន្លែងកើតហេតុ និងអ្នករួមដំណើរម្នាក់ឈ្មោះអ៊ឹង ឌីង ភេទស្រី អាយុ១២ឆ្នាំ បានរងរបួសជើងឆ្វេង ។ ជនរងគ្រោះទាំងពីរនាក់រស់នៅភូមិតាដឹប សង្កាត់អណ្តូងខ្មែរ ក្រុងកំពត ។
ចំណែកភាគីម៉ូតូមួយគ្រឿងទៀតម៉ាកហុងដា ធុនសេ១២៥ ស៊េរីឆ្នាំ២០០៨ ពណ៌ខ្មៅ ពាក់ផ្លាកលេខ ពោធិ៍សាត់ ១A-៧៨២៦ បើកបរដោយឈ្មោះសារិន ស្រីអ៊ា ភេទស្រី អាយុ១៨ឆ្នាំ រស់នៅស្រុកបន្ទាយមាស ខេត្តកំពត រងរបួសរលាត់ជើងស្តាំ និងបែកមាត់ ។
ប្រភពព័ត៌មានបានឱ្យដឹងថា មុនពេលកើតហេតុខាងលើ មានម៉ូតូមួយគ្រឿងជិះគ្នា២នាក់ម៉ាកហុងដា ធុនសេ១២៥ ស៊េរីឆ្នាំ២០១៨ បើកបរក្នុងទិសដៅពីត្បូងទៅជើង លុះមកដល់ចំណុចខាងលើក៏បានបុកគ្នាជាមួយម៉ូតូមួយគ្រឿងទៀតម៉ាកហុងដា ធុនសេ១២៥ ស៊េរីឆ្នាំ២០០៨ បើកបរក្នុងទិសដៅពីលិចទៅកើត បណ្តាលឱ្យអ្នកបើកម៉ូតូស៊េរីឆ្នាំ ២០១៨ រងរបួសធ្ងន់សន្លប់នៅនឹងកន្លែង និងអ្នករួមដំណើររងរបួសជើងឆ្វេង ។ ចំណែកអ្នកបើកបរម៉ូតូស៊េរីឆ្នាំ២០០៨ រងរបួសរលាត់ជើងស្តាំ និងបែកមាត់ ។
ក្រោយកើតហេតុ ជនរងគ្រោះទាំង៣នាក់ត្រូវគេដឹកយកទៅសង្គ្រោះនៅមន្ទីរពេទ្យ ចំណែកម៉ូតូទាំង២គ្រឿងដែលរងការខូចខាតស្រាល ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងកំ ពតរង់ចាំដោះស្រាយគ្នាតាមច្បាប់នៅពេលក្រោយ៕
ចែករំលែកព័តមាននេះ