ខេត្តកណ្តាល ៖ គ្រោះថ្នាក់ចរាចរណ៍មួយគួរអោយរន្ទត់ បណ្តាលអោយស្លាប់ម្នាក់ និងរបួសធ្ងន់ពីនាក់ ខណៈបើកម៉ូតូបុកគ្នាហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង១៨និង១៥នាទី ថ្ងៃទី២២ ធ្នូ ២០១៨ នៅលើផ្លូវជាតិលេខ១…
ខេត្តកណ្តាល ៖ គ្រោះថ្នាក់ចរាចរណ៍មួយគួរអោយរន្ទត់ បណ្តាលអោយស្លាប់ម្នាក់ និងរបួសធ្ងន់ពីនាក់ ខណៈបើកម៉ូតូបុកគ្នាហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង១៨និង១៥នាទី ថ្ងៃទី២២ ធ្នូ ២០១៨ នៅលើផ្លូវជាតិលេខ១ ក្នុងចន្លោះគីឡូម៉ែត្រលេខ ២៨-២៩ ចំណុចភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល ។
នគរបាលចរាចរណ៍ស្រុកកៀនស្វាយបានអោយដឹងថា ករណីនេះបង្កឡើងដោយម៉ូតូម៉ាក SUZUKI NEX ពណ៌ស-ខ្មៅ ពាក់ផ្លាកលេខកណ្តាល1R-៨៤៦៥ ជិះគ្នា០២នាក់ បើកបរដោយឈ្មោះ វិច ភេទប្រុស អាយុ២៤ឆ្នាំ មានទីលំនៅភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល (អ្នកបើកបរ)(របួស់ធ្ងន់) និងអ្នករួមដំណើរម្នាក់ឈ្មោះ ជួន សារ៉ាន់ ភេទប្រុស អាយុ២៤ឆ្នាំ មានលំនៅភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល (របួសធ្ងន់) បើកបរក្នុងទិសដៅភ្នំពេញទៅអ្នកលឿងលុះពេលបើកមកដល់កន្លែងកើតហេតុខាងលើបានបុកជាមួយម៉ូតូម៉ាក Honda dream 125 ស៊េរី២០០៦ ពណ៌បៃតងចាស់ ពាក់ផ្លាកលេខ កណ្តាល 1B- ៣៨២៦ បើកបរដោយឈ្មោះ ហេង តាំ ភេទប្រុស អាយុ៣៦ឆ្នាំ មានទីលំនៅភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល (ស្លាប់) ដែលបើកបរទិសដៅផ្ទុយគ្នាបណ្តាលអោយអ្នកបើកបរម៉ូតូ Dream ស្លាប់នៅកន្លែងកើតហេតុតែម្តង ។
អ្នករបួសត្រូវបានសាច់ញាតិបញ្ជូនទៅមន្ទីរពេទ្យភ្នំពេញ ចំណែកម៉ូតូទាំង០២គ្រឿងត្រូវយកទៅរក្សាទុកនៅអធិការដ្នាននគរបាលស្រុកកៀនស្វាយ ។ ករណីនេះបង្កឡើងដោយអ្នកបើកបរម៉ូតូម៉ាក SUZUKI NEX បើកបរធ្វេសប្រហែសខ្ជីខ្ជា មិនប្រុងប្រយ័ត្នបើករំលោភទៅលើចំណែកផ្លូវនៃយានយន្តដែលមកពីទិសដៅផ្ទុយ ៕
ចែករំលែកព័តមាននេះ