ខេត្តប៉ៃលិន ៖ រថយន្តកាមរី ពណ៌ស មួយគ្រឿងបានជ្រុលចង្កូតទៅបុករថយន្តកាមរីពណ៌សំបកឪឡឹក ក្នុងទិសដៅបញ្ច្រាសគ្នាបណ្តាលឱ្យរងការខូចខាតផ្នែកខាងមុខទាំងសងខាង ។ ចំណែភាគីរថយន្តទាំងសងខាងបានទទួលរងរបួសស្រាល ។
ហេតុការណ៍នេះ បានកើតឡើងកាលពីវេលាម៉ោង១២ និង៤០នាទីរំលងអធ្រាត្រឈានចូលថ្ងៃទី២១ ខែធ្នូ ឆ្នាំ២០១៨ ស្ថិតនៅក្នុងភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិន បណ្ដាលឲ្យខូចខាតរថយន្តចំនួន២គ្រឿង និងមនុស្សចំនួន៣នាក់រងរបួសស្រាល ។
ប្រភពព័ត៌មានបានឱ្យដឹងថា ជនេងគ្រោះទី១-ឈ្មោះ ប៉ែន យុត ភេទប្រុស អាយុ៦៧ឆ្នាំ រងរបួសស្រាល រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន ដោយបើកបររថយន្តម៉ាកកាមរី ពណ៌ស ពាក់ផ្លាកលេខ ភ្នំពេញ 2X-5639 ខួចខាតផ្នែកខាងឆ្វេង បើកបរពីលិចទៅកកើត ។
ទី២-ឈ្មោះ លឹម លាងហុង ភេទប្រុស អាយុ៣៦ឆ្នាំ រស់នៅភូមិដីថ្មី ឃុំសំរោង ស្រុកសំរោង ខេត្ដបន្ទាយមានជ័យ រងរបួសស្រាល បើករថយន្តម៉ាកកាមរី ពណ៌សំបកឪឡឹក ពាក់ផ្លាកលេខ ភ្នំពេញ 2K-2167 ខួចខាតផ្នែកខាងមុខ បើកបរពីកើតមកលិច និងទី៣-ឈ្មោះ កែវ ឡៃ ភេទប្រុស អាយុ៣០ឆ្នាំ រស់នៅភូមិតេជោអភិវឌ្ឍន៍ ស្រុកឈូក ខេត្តកំពត រងរបួសស្រាល ជាអ្នករួមដំណើរ ។
ពាក់ព័ន្ធនឹងបញ្ហានេះរថយន្តទាំងពីរគ្រឿងត្រូវបានកម្លាំងជំនាញចរាចរណ៍ផ្លូវគោកនៃស្នងការដ្ឋាននគរបាលខេត្ដប៉ៃលិនចុះធ្វើការវាស់វែង និងយករថយន្តបង្ករទៅរក្សាទុកនៅស្នងការដ្ឋាន ដើម្បីរង់ចាំធ្វើកាដោះស្រាយ ៕
ចែករំលែកព័តមាននេះ