ខេត្តស្ទឹងត្រែង ៖ សេចក្តីរាយការណ៍ឱ្យដឹងថា មន្ត្រីខណ្ឌរដ្ឋបាលជលផល សហការជាមួយសមត្ថកិច្ចពាក់ ព័ន្ធចំនួន៥នាក់ បានចុះបង្ក្រាបបទល្មើសនេសាទ ស្ថិតនៅភូមិឃុំកោះជ្រីម ស្រុកសៀមបូក ដែលជាភូមិសាស្ត្រជនសង្ស័យបានលួចលាក់ប្រើប្រាស់ឧបករណ៍ឆក់…
ខេត្តស្ទឹងត្រែង ៖ សេចក្តីរាយការណ៍ឱ្យដឹងថា មន្ត្រីខណ្ឌរដ្ឋបាលជលផល សហការជាមួយសមត្ថកិច្ចពាក់
ព័ន្ធចំនួន៥នាក់ បានចុះបង្ក្រាបបទល្មើសនេសាទ ស្ថិតនៅភូមិឃុំកោះជ្រីម ស្រុកសៀមបូក ដែលជាភូមិសាស្ត្រជនសង្ស័យបានលួចលាក់ប្រើប្រាស់ឧបករណ៍ឆក់ ចាប់ត្រីទាំងថ្ងៃគ្មានកោតក្រែងអាជ្ញាធរឡើយ។
សេចក្តីរាយការណ៍បន្តថា នៅក្នុងសកម្មភាពចុះល្បាតតាមអន្លង់អភិរក្ស នៅស្រុកសៀមបូក ខេត្តស្ទឹងត្រែងកាលពីថ្ងៃទី២១ ធ្នូ លោកវង្ស សាវឿន នាយរងខណ្ឌរដ្ឋបាលជលផលស្ទឹងត្រែងបានអះអាងថា ច្បាប់ស្តីពីជលផលអាជ្ញាធរពាក់ពន្ធ័នៅតាមឃុំនីមួយៗ និងឆ្មាំទន្លេផ្សព្វផ្សាយយ៉ាងទូលំទូលាយរួចមកហើយ តែជនសង្ស័យមួយចំនួន នៅតែលួចលាក់ប្រើប្រាស់ឧបករណ៍នេសាទខុសច្បាប់ ជាពិសេសលួចដាក់ដាយ ឧបករណ៍ឆក់នៅតាមអន្លង់អភិរក្សទាំងយប់ទាំងថ្ងៃដដែល ។
លោកនាយរងខណ្ឌបានបញ្ជាក់ថា ករណីលួចលាក់នេះ សមត្ថកិច្ចចម្រុះបានចុះល្បាតនៅក្នុងភូមិសាស្ត្រអន្លង់អភិរក្ស នៅឃុំកោះជ្រីម ស្រាប់តែប្រទះឃើញជនសង្ស័យឆក់ត្រី ដោយបានដេញតាមជននេះ រហូតដល់ភូមិសាស្ត្រឃុំកោះស្នែង ទើបរឹបអូសបាន-ទូកស្មាច់ប្រវែងជាង៥ម៉ែត្រ មួយគ្រឿងម៉ាស៊ីន២០សេះ១គ្រឿងឧបករណ៍ឆក់មួយសម្រាប់ ថ្នងសម្រាប់ដងត្រីមួយគូ ដងឆក់មួយគូ អាគុយ១ និងត្រីមួយចំនួន តែជនសង្ស័យឡើងគោករត់គេចខ្លួនបាត់ ។
ចែករំលែកព័តមាននេះ