ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា នៅរសៀលថ្ងៃទី២២ ធ្នូ មានការបញ្ជូនក្រុមជនសង្ស័យប្រុស-ស្រី ជាជនជាតិថៃចំនួន២៦នាក់ ត្រឡប់ទៅប្រទេសរបស់ខ្លួនវិញ តាមច្រកទ្វារអន្តរជាតិប៉ោយប៉ែតខ្លងលឹក ដើម្បីឱ្យភាគីសមត្ថកិច្ចចាត់ការតាមនីតិវិធី…
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា នៅរសៀលថ្ងៃទី២២ ធ្នូ មានការបញ្ជូនក្រុមជនសង្ស័យប្រុស-ស្រី ជាជនជាតិថៃចំនួន២៦នាក់ ត្រឡប់ទៅប្រទេសរបស់ខ្លួនវិញ តាមច្រកទ្វារអន្តរជាតិប៉ោយប៉ែតខ្លងលឹក ដើម្បីឱ្យភាគីសមត្ថកិច្ចចាត់ការតាមនីតិវិធី ក្រោយពីពួកគេធ្វើសកម្មភាពល្មើសច្បាប់ក្នុងរាជធានីភ្នំពេញ ពាក់ព័ន្ធល្បែងអនឡាញតាមប្រព័ន្ធVOIP ។
សេចក្តីរាយការណ៍បន្តថា ជនសង្ស័យទាំង២៦នាក់ មានស្រី៩នាក់ ។ ការចាប់បញ្ជូនជនសង្ស័យនេះ គឺតាមរថយន្តបំពាក់ស៊ីរ៉ែនស៊េរីទំនើបៗរបស់អគ្គនាយកដ្ឋាននគរបាលអន្តោប្រវេសន៍ចំនួន២គ្រឿង ដែលដឹកនាំដោយលោកឧត្តមសេនីយ៍ទោ រុន សុវណ្ណា និងលោកឧត្តមសេនីយ៍ត្រី ផាន ភក្តី អនុប្រធាននាយកដ្ឋាន
ស៊ើបអង្គេត និងអនុវត្តន៌និតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ អមដោយលោកឧត្តមសេនីយ៍ត្រី ស៊ឹម សំអាត ប្រធានប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត និងនាយរងប៉ុស្តិ៍ព្រមទាំងកម្លាំងក្រោមឱវាទមួយចំនួនទៀតផង ។
ក្រោយពិនិត្យលិខិតឆ្លងដែន និងឯកសារពាក់ព័ន្ធរបស់ជនសង្ស័យ នៅមាត់ច្រកទ្វារអន្តរជាតិខ្លងលឹក ខាងទឹកដីថៃ ជនសង្ស័យត្រូវបានបញ្ជូនតាមរថយន្តស៊េរីទំនើប បំពាក់សារ៉ែនរបស់សមត្ថកិច្ចកម្ពុជាបន្តទៅខេត្តស្រះកែវទៀត ។
សមត្ថកិច្ចនៅមិនបានប្រាប់លម្អិតពីអត្តសញ្ញាណជនសង្ស័យខាងលើទេ ប៉ុន្តែបានប្រាប់ថា មានចំនួន២៦នាក់ ដែលស្រីមាន៩នាក់ ហើយត្រូវបានកម្លាំងអាវុធហត្ថ សហការជាមួយអាជ្ញាធរ និងសមត្ថកិច្ចថៃបង្ក្រាបនៅខណ្ឌសែនសុខ រាជធានីភ្នំពេញ កាលពីថ្ងៃទី២០ កុម្ភៈ ២០១៨ កន្លងមក ពាក់ព័ន្ធករណីបើកល្បែងអនឡាញខុសច្បាប់ តាមប្រព័ន្ធVOIP ។ ជនសង្ស័យទាំង២៦នាក់ មុនការបញ្ជូនពួកគេ គឺត្រូវបានជាប់នៅមណ្ឌលកែប្រែម1 ម2 ផងដែរ ។
ចែករំលែកព័តមាននេះ