ខេត្តមណ្ឌលគិរី ៖ ក្រុមអ្នកតាមដានបរិស្ថានបានស្នើរដល់អាជ្ញាធរស្រុកកែវសីមាទប់ស្កាត់សកម្មភាពដឹកជញ្ជូនឈើតាមម៉ូតូដែលបានធ្វើអោយមានមនុស្សស្លាប់ជាញឹកញាប់ ខណៈសកម្មភាពនេះត្រូវគេមើលឃើញថា កំពុងកើតមនដូចទឹកបាក់ទំនប់ ។ ជាក់ស្តែងបុរសម្នាក់ទៀតហើយបានស្លាប់នៅវេលាម៉ោង៨នឹង៣០នាទីយប់ថ្ងៃទី១៩ ខែធ្នូ ឆ្នាំ២០១៨ បណ្តាលមកពីជិះម៉ូតូដឹកឈើដួសសង្កត់យ៉ាងវេទនាបំផុត ។
សេចក្តីរាយការណ៏ថា មានករណីគ្រោះថ្នាក់ចរាចរណ៍ដោយសារម៉ូតូដឹកឈើចុះចំណោទបណ្តាលអោយបាក់បូមមុខសង្កត់ស្លាប់ជនរងគ្រោះឈ្មោះ ថាប ងំ ភេទប្រុស អាយុ25ឆ្នាំ ជនជាតិព្នង សញ្ជាតិខ្មែរ មានមុខរបរកសិករ ទីលំនៅបច្ចុប្បន្នភូមិស្រែព្រះ ឃុំស្រែព្រះ ស្រុកកែវសីមា ខេត្តមណ្ឌលគិរី ករណីនេះកើតនៅចំណុចជិតក្រុមបេង ស្ដិតក្នុងភូមិស្រែព្រះ ឃុំស្រែព្រះ ឃុំស្រែព្រះ ស្រុកកែវសីមា ខេត្តមណ្ឌលគិរី ។
បច្ចុប្បន្នសពត្រូវបានជំនាញចរាចរធ្វើការពិនិត្យឃើញថា សពពិតជាបានស្លាប់ដោយសារម៉ូតូដឹកឈើប្រភេទសុក្រំ មានមុខកាត់ ៣០សង្ទីម៉ែត្រគុណ១៥សង្ទីម៉ែត្រ ប្រវែង២ម៉ែត្រ ចំនួនបីដុំសង្កត់ពិតមែន និងបានធ្វើការប្រគល់សពជូនសាច់ញាតិ ដើម្បីចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ