សារព័ត៌មានបរទេសកាលពីពេល ថ្មីៗកន្លងមកផ្សាយថា លោកIvan Sukhov អាយុ៣៤ឆ្នាំ នៅក្រុង Vladimir ភាគកណ្ដាលប្រទេសរុស្សុី មានប្រពន្ធ៣នាក់ និងកូនរស់នៅរួមគ្នា ប៉ុន្តែនៅតែបន្តបង្កើនសមាជិកគ្រួសារ ដោយចង់បង្កើតកូនឲ្យបាន៥០នាក់ ។
លោក Ivan Sukhov មានប្រពន្ធស្របច្បាប់គឺនាង Natalia Sukhova ជាគ្រូពេទ្យមានកូន៥នាក់ ដោយពួកគេបានចុះបញ្ជីអាពាហ៍ពិពាហ៍ និងរស់នៅរួមគ្នាបាន១១ឆ្នាំ ប៉ុន្តែ៤ឆ្នាំបន្ទាប់លោកក៏បានប្រាប់ប្រពន្ធថាចង់មាននារីកំណាន់ជាច្រើននាក់ទៀត និងបង្កើតក្រុមគ្រួសារដ៏ធំមួយ ។
បញ្ហានេះធ្វើឲ្យនាងណាតាលីយ៉ា មិនពេញចិត្ត ក៏លែងលះម្ដងហើយ ប៉ុន្តែមិនព្រមចាកចេញពីផ្ទះ ព្រោះស្រឡាញ់ប្ដីខ្លាំងពេក ។ ត្រង់ចំណុចនេះធ្វើឲ្យលោក អុីវ៉ាន សម្រេចចិត្តមានប្រពន្ធទី២ និងទី៣ ។
ប្រពន្ធទី២ឈ្មោះ Anna Sukhova ជាបុគ្គលិកផ្នែកស៊ើបអង្កេត មានកូន២នាក់ និងរស់នៅរួមគ្នាប្រកបដោយសេចក្ដីសុខ រីឯប្រពន្ធទី៣គឺនាង Madina Sukhova អាយុ៣០ឆ្នាំ ជាជនមូស្លុីមចំណាកស្រុក ។
ក្រៅពីនេះលោក Ivan Sukhov ក៏គ្រោងមានប្រពន្ធទី៤ទៀត ខណៈពេលនាង ណាតាលីយ៉ា និងអានណា បានថ្លែងថា នៅឯផ្ទះលោកអុីវ៉ាន មានបន្ទប់ដេកដាច់ដោយឡែក ចំណែកប្រពន្ធទាំង៣នៅបន្ទប់រួមគ្នាតែមួយ ដោយផ្លាស់ប្ដូរគ្នារួមរ័កជាមួយប្ដី ។ ប្រសិនបើប្រពន្ធណាម្នាក់ប្រព្រឹត្តខុស អាចហាមរួមដំណេករយៈពេល១ខែ ៕
ចែករំលែកព័តមាននេះ