អាសូរ​! នាង​ក្រមុំ​ម្នាក់​កំពុង​ចាំ​លត​ឆា​ស្រាប់តែ​…​ខ្ទេច​ពេញ​ផ្លូវ


ខេត្តរតនគិរី ៖ រថយន្ត​ក្រុមហ៊ុន​មួយ​បាន​បើក​ចុះ​ចំណត​ភ្នំ​ស្វាយ​ក្នុង​ល្បឿន​យ៉ាង​លឿន​ជ្រុល​ទៅ​បុក​ម៉ូតូនារីម្នាក់​យ៉ាង​ពេញទំហឹង បណ្តាល​ឱ្យ​បាត់បង់​ជីវិត​ភ្លាម​ៗ​នៅ​នឹង​កន្លែង​កើតហេតុ ។

ហេតុការណ៍​បង្ករ​ឱ្យ​ភ្ញាក់ផ្អើល​យ៉ាង​រន្ធត់​នេះ​បាន​កើតឡើង​នៅ​វេលា​ម៉ោង​៣​និង​៣០​នាទី​រសៀល​ថ្ងៃ​ទី​១៨ ខែធ្នូ ឆ្នាំ​២០១៨ លើ​កំណាត់​ផ្លូវជាតិ​លេខ​៧៨ ត្រង់​ចំណុច​ខាងលិច​វត្ត​សះ​មះ​ហៅ​វត្ត​ភ្នំ​ស្វាយ ទល់មុខ (​ពន្ធនាគារ​ភ្នំ​ស្វាយ​) ស្ថិត​ក្នុងភូមិ​ភ្នំ​ស្វាយ សង្កាត់​បឹង​កន្សែង ក្រុង​បាន​លុង ខេត្តរតនគិរី ។

ប្រភព​ពី​កន្លែង​កើតហេតុ​បានឱ្យ​ដឹង​ថា គេ​ឃើញ​រថយន្ត​ម៉ាក់​ស៊ីទែន​សាំង ពណ៌​ក្រហម​លាយ​លឿង ពាក់​ស្លាក​លេខ​ចង្កូត​ស្តាំ PP-២១៣៧ បើកបរ​ដោយ​បុរស​ម្នាក់​មិន​ស្គាល់​អត្តសញ្ញាណ​បោះពួយ​យ៉ាង​លឿន ក្នុង​ទិស​ដៅ​ពី​កើត​ទៅ​លិច ។ លុះ​មក​ដល់​ចំណុច​កើតហេតុ​ក៏​បាន​បុក​ក្មេង​ស្រី​កំពុង​ឈរ​ចាំ​ទិញ​លត​ឆា​នៅ​ចិញ្ចើម​ផ្លូវ ក្នុង​ទិស​ដៅ​ស្របគ្នា យ៉ាង​ពេញទំហឹង ហើយ​កិន​ពីលើ​មនុស្ស និង​ម៉ូតូ​បណ្តាល​អោយ​ខ្ទេច​ក្បាល​ពេញ​ផ្លូវ ។

ប្រភព​បន្ត​ថា យុវតី​ជា​ជន​រង​គ្រោះ​ស្លាប់​យ៉ាង​អាណោចអាធម៌​នោះ​ត្រូវ​បាន​គេ​ស្គាល់ឈ្មោះ ម៉េ​ង ម៉ា​ន ហៅ​ស្រី​នាង អាយុ​១៨​ឆ្នាំ ជនជាតិ​ខ្មែរ មាន​ទីលំនៅ​ភូមិ​ឃុំ​កើតហេតុ​ខាងលើ និង​មានស្រុក​កំណើត ខេត្តកំពង់ចាម ។ ជា​ក្មេង​កំព្រា ឪពុក​ម្តាយ​ស្លាប់​ចោល​តាំងពី​តូច បច្ចុប្បន្ន​មក​រស់នៅ​ជាមួយ​ឪពុកមា រៀន​ថ្នាក់​ទី​១០ នៃ​វិទ្យាល័យ​ហ៊ុន​សែន​ភូមិ​ថ្មី ក្នុង​ខេត្តរតនគិរី​នេះ ។

ហើយ​ម៉ូតូ​ដែល​នាង​ជិះ​មក​ឈប់​ទិញ​លត​ឆា​នោះ​ម៉ាក HODA ឌ្រី​ម ស៊េរី​ឆ្នាំ​២០១៧ ពណ៌​ខ្មៅ ពាក់​ស្លាក​រតនគិរី ១A- ៤៩១៧ ។ ខណៈ​ដែល​ជន​រង​គ្រោះ​កំពុង​ឈរ​ចាំ​យក​លត​ឆា ក៏​ស្រាប់តែ​ត្រូវ​រថយន្ត​បង្ក​ខាងលើ​បើក​មក​បុក​ចំទាំង​កម្រោល​តែ​ម្តង ។

ក្រោយ​ពេល​កើតហេតុ​ភ្លាម​ៗ​ម្ចាស់​រថយន្ត​បាន​បើកទ្វា​រត់គេច​ខ្លួន​បាត់​ស្រមោល ។ ហើយ​សមត្ថកិច្ច​ប៉ុស្តិ៍​បឹង​កន្សែង និង​តាម​ការ​ឆ្លងកាត់​កាមេរ៉ា​សុវត្ថិភាព​របស់​ប្រជាពលរដ្ឋ​នៅ​ចំណុច​កើតហេតុ​បាន​បញ្ចា​ក់ថា ភាគី​រថយន្ត​ក្រុមហ៊ុន​នោះ​បើកបរ​ខ្វះ​ការ​ប្រុង​ប្រយ័ត្ន​មិន​អធ្យាស្រ័យ​និង​បាន​រំលោភ​យក​ផ្លូវ​អ​ទិ​ភាព​ទាំងស្រុង និង​មាន​ល្បឿន​យ៉ាង​លឿន ។

ក្រោយ​កើតហេតុ​សមត្ថកិច្ច​ចរាចរណ៍​យក​វត្ថុ​តាង​ទាំង​ពីរ​គ្រឿង​ទៅ​រក្សា​ទុក​នៅ​ស្នងការ​ដ្ធា​ន​នគរបាល​ខេត្តរតនគិរី​រង់ចាំ​ម្ចាស់​ក្រុមហ៊ុន​ចូលខ្លួន​មក​ដោះស្រាយ​តាម​ផ្លូវច្បាប់​ចរាចរណ៍​ជើង​គោក ។ ចំណែក​សព​សមត្ថកិច្ច​ប្រគល់​អោយ​ក្រុម​គ្រួសារ​សាច់ញាតិ​បងប្អូន​យក​ទៅ​ធ្វើបុណ្យ​តាម​ប្រពៃណី​ផង​ដែរ ៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ