ខេត្តព្រះសីហនុ ៖ តាមសេចក្តីរាយការណ៍បឋមឲ្យដឹងថា បុរសជាជនជាតិចិនម្នាក់ បានធ្លាក់ពីលើសណ្ឋាគារ PALM PALACE បណ្តាលឲ្យបោកក្បាលស្លាប់ក្នុងថ្លុកឈាម ហើយត្រូវបានគេសង្ស័យថាជាករណីធ្វើអត្តឃាត ដែលហេតុការណ៍នេះបានកើតឡើងកាលពីវេលាម៉ោង៩…
ខេត្តព្រះសីហនុ ៖ តាមសេចក្តីរាយការណ៍បឋមឲ្យដឹងថា បុរសជាជនជាតិចិនម្នាក់ បានធ្លាក់ពីលើសណ្ឋាគារ PALM PALACE បណ្តាលឲ្យបោកក្បាលស្លាប់ក្នុងថ្លុកឈាម ហើយត្រូវបានគេសង្ស័យថាជាករណីធ្វើអត្តឃាត ដែលហេតុការណ៍នេះបានកើតឡើងកាលពីវេលាម៉ោង៩ និង៤០នាទីព្រឹកថ្ងៃទី១៨ ខែធ្នូ ស្ថិតក្នុងភូមិ៤ សង្កាត់៤ ក្រុងព្រះសីហនុ ។
ជនរងគ្រោះដែលស្លាប់ឈ្មោះ LYU MINGPAN ភេទប្រុស អាយុ៣៤ឆ្នាំ ជាជនជាតិចិន ជាភ្ញៀវទេសចរណ៍ កាន់លិខិតឆ្លងដែនលេខ ED 8313801 មានសុពលភាពដល់ថ្ងៃទី១៧ កក្កដា ឆ្នាំ២០២៨ ទិដ្ឋាការលេខ EI 01664708 មានសុពលភាពដល់ថ្ងៃទី៦ មេសា ឆ្នាំ២០១៩ បានចូលមកស្នាក់នៅសណ្ឋាគារខាងលើកាលពីយប់ថ្ងៃទី១៧ ធ្នូ ២០១៨ ។
តាមការពិនិត្យរបស់សមត្ថកិច្ចបច្ចេកទេសបានឲ្យដឹងថា ជនរងគ្រោះធ្លាក់ពីលើសណ្ឋាគារបោកត្រូវក្បាល បណ្តាលឲ្យស្លាប់ភ្លាម (ការសន្និដ្ឋានបឋមបានឱ្យដឹងថា ជនរងគ្រោះអាចស្លាប់ដោយសារការធ្វើអត្តឃាត ) ។
ក្រោយពីសមត្ថកិច្ចធ្វើកំណត់ហេតុចប់សព្វគ្រប់ សពត្រូវបានប្រគល់ជូនក្រុមហ៊ុនយីនហ្វីន័ររ៉ាល់ ដឹកទៅរាជធានីភ្នំពេញតម្កល់ទុកនៅវត្តស្ទឹងមានជ័យ ដើម្បីរង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ