មេធាវី ៖ លោកសម រង្ស៊ី ប្រមាថយ៉ាងធ្ងន់ធ្ងរដល់លោកកឹម សុខា
- ភ្នំពេញ
រាជធានីភ្នំពេញ ៖ អាយ៉ៃឆ្លើយឆ្លងរវាងមន្ត្រីគាំទ្រលោកកឹម សុខា និងលោកសម រង្ស៊ី បានកើតមានឡើងទៀតហើយ គឺលោកចាន់ ចេន មេធាវីការពារក្តីលោកកឹម…
រាជធានីភ្នំពេញ ៖ អាយ៉ៃឆ្លើយឆ្លងរវាងមន្ត្រីគាំទ្រលោកកឹម សុខា និងលោកសម រង្ស៊ី បានកើតមានឡើងទៀតហើយ គឺលោកចាន់ ចេន មេធាវីការពារក្តីលោកកឹម…
រាជធានីភ្នំពេញ ៖ អាយ៉ៃឆ្លើយឆ្លងរវាងមន្ត្រីគាំទ្រលោកកឹម សុខា និងលោកសម រង្ស៊ី បានកើតមានឡើងទៀតហើយ គឺលោកចាន់ ចេន មេធាវីការពារក្តីលោកកឹម សុខា បានធ្វើការវាយបកទៅលើលោកសម រង្ស៊ី ថា កំពុងបោកប្រាស់ពលរដ្ឋនៅក្រៅប្រទេស ក្រោយពីបានប្រមាថយ៉ាងធ្ងន់ធ្ងរមកលើលោក កឹម សុខា ។
ការលើកឡើងនេះបន្ទាប់លោកសម រង្ស៊ី បានលើកឡើងនៅក្នុងវេទិការសាធារណៈកាលពីថ្ងៃទី៥ ធ្នូ ថា ថីបក(មេធាវី) ថា បាននាំពាក្យលោកកឹម សុខា មិនបានត្រឹមត្រូវ ហើយការនាំពាក្យតែប្រយោជន៍តែប៉ុណ្ណោះ ។ លោកសម រង្ស៊ី បាននិយាយថា មតិយោបល់ទាំងអស់របស់ខ្មែរដែលនៅក្នុងប្រទេសសុទ្ធ តែមិនយកជាការបានព្រោះស្ថិតក្រោមគំនាបរបស់សម្តេចតេជោ ហ៊ុន សែន ។ លោកមេធាវីការពារក្តីលោកកឹម សុខា បានថ្លែងតាមរយៈបណ្តាញទំនាក់ទំនងសង្គមហ្វេសប៊ុកផ្ទាល់ខ្លួននៅថ្ងៃទី១៧ ខែធ្នូ ឆ្នាំ២០១៨ថា ពាក្យសម្តីរបស់លោកសម រង្ស៊ី ដែលនិយាយច្រំដែលថា មតិយោបល់ទាំងអស់របស់ខ្មែរក្នុងប្រទេសសុទ្ធតែមិនយកជាការបានព្រោះស្ថិតក្រោមគំនាបរបស់សម្តេចតេជោ ហ៊ុន សែន និយាយតាមសម្តេចហ៊ុន សែន បញ្ជាទាំងអស់ ។ ប៉ុន្តែលោកថាសម្តីរបស់លោកសម រង្ស៊ី បែបនេះ គឺទី១ ជាឡេះ ដើម្បីបោកប្រាស់អ្នកគាំទ្រខ្លួននៅក្រៅប្រទេសឲ្យគាំទ្រឲ្យខ្លួនធ្វើបក្សប្រហារ ដើម្បីមហិច្ឆិតាអំណាចដោយប្រមាថឆន្ទៈមនសិកាទាំងស្រុងរបស់លោក កឹម សុខា ។
លោកបញ្ជាក់ថា «ទី២ ជាការប្រមាថយ៉ាងធ្ងន់ធ្ងរចំពោះភាពអង្គអាចក្លាហានការលះបង់ និងឧត្តមគតិអ្នកដែលតស៊ូនៅក្នុងសមរភូមិនយោបាយក្នុងប្រទេសដូចជា លោកប្រធានកឹម សុខា ក៏ដូចជាអ្នកវិភាគនយោបាយឯករាជ្យមេធាវី និងជាពិសេសសកម្មជន CNRP នៅក្នុងប្រទេស ។ យើងអាចសួរទៅលោកសម រង្ស៊ី វិញថាសកម្មជន CNRP ខ្លះបានជួបជុំគ្នាថ្លែងសារនយោបាយគាំទ្រលោកសម រង្ស៊ី ថ្មីៗនេះធ្វើក្រោមគំនាបលោក ហ៊ុន សែនឲ្យធ្វើឬ0x017d7» ។ មេធាវីការពារក្តីឲ្យអតីតមេបក្សប្រឆាំងរូបនេះបន្តទៀតការពិតនៅកម្ពុជាអ្នកជាប់ឃុំគេកម្រិតនូវសេរីភាពមែន ប៉ុន្តែអ្នកក្លាហានមានមនសិកាច្បាស់លាស់ហ៊ានលះបង់ទោះបីនៅក្នុងឃុំ ឬនៅក្នុងអំណាចកៀបសង្កត់ក៏គេនូវតែរក្សាឧត្តមគតិគេមិនចេះតែធ្វើតាមគេបញ្ជាផ្ទុយទៅវិញ គេនូវតែឆ្លៀតប្រើសិទ្ធិរបស់គេតាមច្រកណាដែលគេអាចធ្វើបាន គេមិនធ្វើអំពើថោកទាបដូច ការលាបពណ៌មូលបង្កាច់ចោទប្រកាន់របស់លោក សម រង្ស៊ី នោះទេ ។
ចំណែកលោក មុត ចន្ថា មនុស្សជំនិតលោក កឹម សុខា ក៏បានលើកឡើង «ទោះបីខ្ញុំត្រូវបានដកសិទ្ធិធ្វើនយោបាយ ប៉ុន្តែខ្ញុំមិនមែនជាចំណាប់ខ្មាំងរបស់នរណាឡើយ ។ ខ្ញុំនៅតែអាចអនុវត្តសិទ្ធិសេរីភាពរបស់ខ្ញុំតាមមធ្យោបាយផ្សេងទៀត លែងតែចូលរួម ឬធ្វើសកម្ម ឬឈរឈ្មោះអោយគណបក្សនយោបាយណាមួយ» ។ លោកបន្តថា អ្នកមានកិត្តិយស និងសេចក្តីថ្លៃថ្នូរ ហើយខ្ញុំក៏មានដូចអ្នកដែរដូច្នេះយើងត្រូវតែគោរពគ្នាទៅវិញទៅមក ។ មនុស្សកើតមកដោយស្មើភាព ។
អ្នកអាចមានអំណាចរដ្ឋ ឬអំណាចនយោបាយច្រើន ឬខ្ពស់ជាងខ្ញុំប៉ុន្តែអ្នកមិនអាចមានសិទ្ធិ និងសេរីភាពច្រើនជាងខ្ញុំឡើយ ។ ដោយឡែកម្ចាស់អាខោកហ្វេសប៊ុនឈ្មោះ ផាន់ ច័ន្ទសក្តិ បានលើកឡើងថា ពាក្យសំដីដែលលោកសម រង្សី បានលើកឡើងនៅប្រទេបារាំងដូចមាននៅក្នុងក្លឹប វីឌី ខាងក្រោមកាលពីថ្ងៃទី១៥ ខែធ្នូ ឆ្នាំ២០១៨ កន្លងទៅថ្មីៗនេះគ្រាន់តែជាឡេះ ដើម្បីដណ្តើមអំណាច និងជាការប្រមាថដ៏ធ្ងន់ធ្ងររបស់លោកសម រង្សី មកលើលោកកឹម សុខា ដែលជាដៃគូរ ។
លោកបន្តថា«មែនហើយនៅក្នុងប្រទេសកម្ពុជាមិនមានសេរីភាពពិតមែនដែលមតិជាតិ និងមតិអន្តរជាតិបានដឹងលឺថា លំហរសេរីតូចចង្អៀតតែទោះជាយ៉ាងណាលោកកឹម សុខា នៅមានសិទ្ធិសេរីភាពក្នុងការមានមេធាវីតំណាងតាមច្បាប់ និងមានសិទ្ធិជួបជុំគ្រួសារដែរ» ។ លោកបន្តថា តែការលើកឡើងពីសំណាក់លោកសម រង្សី នេះគ្រាន់តែជាការបិទបាំងការពិតនៅពីខាងក្រោយដែលមានបំណងមួយផ្ទាល់របស់ខ្លួនតែប៉ុណ្ណោះ ។ ដោយសារតែការរក្សាជំហរនៅរឹងមាំរបស់ខ្លួននេះហើយទើបលោកកឹម សុខា មិនខ្លាចក្នុងការចាប់ចង ហើយហ៊ានប្រឈមសុខចិត្តជាប់គុកនៅត្រពាំងថ្លុង ( គុកម៣ ) ខែត្រត្បូងឃ្មុំ ជិតព្រំដែនយួន ។
មួយវិញទៀតបើសិនលោក កឹម សុខា ធ្វើតាមបញ្ជាគេ ហើយក្បត់ឆន្ទះរបស់ខ្លួននោះម្លេះគេមិនយកលោកកឹម សុខា ទៅដាក់គុករហូតដល់ពេលនេះទេ ។ ដូច្នេះការលើកឡើងរបស់លោកសម រង្សី នេះជាការប្រមាថមើលងាយមើលថោកមកលើលោកកឹម សុខា ដែលលោក សម រង្សី ខ្លួនឯងបានអះអាងថា ជាមនុស្សតែមួយនោះ ៕
ចែករំលែកព័តមាននេះ