ខេត្តបន្ទាយមានជ័យ ៖ ជនសង្ស័យចំនួន៣នាក់ត្រូវនគរបាលប៉ុស្តិ៍រដ្ឋបាលសង្កាត់ផ្សារកណ្តាលឃាត់ខ្លួនជាមួយថ្នាំញៀនជាង១០កញ្ចប់តូចធំកាលពីរសៀលថ្ងៃទី១៥ ធ្នូ ២០១៨ នៅភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត។ ជនសង្ស័យទាំង៣នាក់ខាងលើរួមមាន១-ឈ្មោះគឹម ប៊ុនធឿន…
ខេត្តបន្ទាយមានជ័យ ៖ ជនសង្ស័យចំនួន៣នាក់ត្រូវនគរបាលប៉ុស្តិ៍រដ្ឋបាលសង្កាត់ផ្សារកណ្តាលឃាត់ខ្លួនជាមួយថ្នាំញៀនជាង១០កញ្ចប់តូចធំកាលពីរសៀលថ្ងៃទី១៥ ធ្នូ ២០១៨ នៅភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត។
ជនសង្ស័យទាំង៣នាក់ខាងលើរួមមាន១-ឈ្មោះគឹម ប៊ុនធឿន ភេទប្រុស អាយុ៣៦ឆ្នាំ ជាអ្នកជួញដូរ ២-ឈ្មោះចិប ជាង ភេទប្រុស អាយុ២៥ឆ្នាំ ជាអ្នកជួញដូរ និង៣-ឈ្មោះហ៊ុល ហេង ភេទប្រុស អាយុ៣៥ឆ្នាំ ជាអ្នកប្រើប្រាស់ ។ ជនសង្ស័យទាំង៣នាក់រស់នៅក្នុងភូមិកើតហេតុ។
ការបង្ក្រាបខាងលើនេះសមត្ថកិច្ចដកហូតបានថ្នាំញៀនម្សៅក្រាមពណ៌សថ្លា(ម៉ាទឹកកក)ចំនួន១៣កញ្ចប់
(ក្នុងនោះធំ១កញ្ចប់ និងតូច១២កញ្ចប់), ដបប្រើប្រាស់គ្រឿងញៀនចំនួន២, បំពង់កែវ២, កាំបិតបុ័ងតោ២ដើម, កាំបិតផ្គាក់១ដើម និងដាវសាំម៉ូរ៉ៃ១ដើម។
លោកវរសេនីយ៍ឯកធិន ស៊ិនដេត អធិការនគរបាលក្រុងបានឱ្យដឹងថា ប្រតិបត្តិការបង្ក្រាបខាងលើនេះបានធ្វើឡើង បន្ទាប់ពីមានសេចក្តីរាយការណ៍ពីអ្នកស្រុកថាបានឃើញសង្ស័យចែកចាយគ្រឿងញៀន ទើបកម្លាំងប៉ុស្តិ៍រដ្ឋបាលចុះទៅធ្វើការឃាត់ខ្លួនជនសង្ស័យរួមនឹងវត្ថុតាងជាក់ស្តែងតែម្តង។
លោកអធិការបន្តថា ក្រោយសាកសួរ និងកសាងសំណុំរឿងបញ្ជូនជនសង្ស័យរួមទាំងវត្ថុតាងទៅការិ
យាល័យជំនាញនៃស្នងការដ្ឋាននគរបាលខេត្តដើម្បីចាត់ការបន្តតាមនិតិវិធី ៕
ចែករំលែកព័តមាននេះ