ខេត្តឧត្តរមានជ័យ ៖ បុរសម្នាក់បានបាត់ពីផ្ទះអស់រយៈពេល១យប់១ថ្ងៃកាលពីព្រឹកថ្ងៃទី១៤ ធ្នូ រហូតមកទល់វេលាម៉ោង៨ព្រឹកថ្ងៃទី១៥ ធ្នូ ទើបបានប្រទះឃើញស្លាប់បាត់បង់ជីវិតបាត់ទៅហើយ ដោយយកក្រមាចង.កធ្វើអត្តឃាតខ្លួននៅជាប់នឹងដើមឈើ ដែលស្ថិតនៅខាងកើតភូមិចំងាយ៦០០ម៉ែត្រ ចំណុចអូរតាប៊ុន នៅក្នុងភូមិគោកសំរេច ឃុំក្រសាំង ស្រុកចុងកាល់ ខេត្តឧត្តរមានជ័យ ។ ជនរងគ្រោះឈ្មោះ អេត ធេ ភេទប្រុស អាយុ២០ឆ្នាំ រស់នៅក្នុងភូមិ-ឃុំកើតហេតុខាងលើ ។
បុរស់ម្នាក់ឈ្មោះ អាត អេត អាយុ៥២ឆ្នាំ ត្រូវជាឪពុកជនរងគ្រោះបានរៀបរាប់ឲ្យដឹងថា ជនរងគ្រោះជាកូនបង្កើតទើបវិលត្រឡប់ពីធ្វើការងាររកស៊ីនៅឯប្រថៃបានរយៈពេលជាង១០ថ្ងៃប៉ុណ្ណោះ ហើយកូនបានប្រាប់ឪពុកម្តាយថា ខ្ញុំចេះតែចុកដៃបន្ទាប់មកខ្លួនជាឪពុកម្តាយបាននាំកូនទៅព្យាបាលដៃនៅមន្ទីរពេទ្យឯកជនមួយដែលស្ថិតនៅក្នុងក្រុងសំរោង ។
បុរសជាឪពុកបានបន្តថា មុនពេលកើតហេតុរូបខ្លួនជាឪពុកបានចេញពីផ្ទះទៅចំការដកដំឡូងមីកាលពីព្រឹកថ្ងៃទី១៤ ធ្នូ ដោយទុកកូននឹងប្រពន្ធឲ្យនៅនឹងផ្ទះលុះដល់ពេលល្ងាចក្នុងថ្ងៃដដែលនោះរូបខ្លួនបានមកដល់ផ្ទះវិញប្រពន្ធបានប្រាប់ថា កូនខ្ញុំបានប្រើឲ្យទៅផ្លាស់គោតាំងពីព្រឹករហូតមកទល់ពេលល្ងាចដោយមិនឃើញត្រឡប់មកផ្ទះសោះ ។
ខណៈនោះខ្លួននឹងប្រពន្ធរួមទាំងអ្នកភូមិជិតខាងបានជួយដើរកទាំងយប់រកមិនឃើញ ហើយនៅព្រឹកថ្ងៃទី១៥ ធ្នូ ទើបបានប្រទះឃើញចង.កស្លាប់បាត់បង់ជីវិតបាត់ទៅហើយ ខ្លួនជាឪពុកម្តាយបានរាយការណ៍ដល់សមត្ថកិច្ចឲ្យចុះពិនិត្យសាកសព ។
សមត្ថកិច្ចស្រុកចុងកាល់បានឲ្យដឹងថា ក្រោយពីបានទទួលនូវព័ត៌មានរាយការណ៍ពីឪពុកម្តាយជនរងគ្រោះរួចមកលោកបានដឹកនាំកម្លាំងជំនាញចុះទៅដល់នឹងកន្លែងកើតហេតុធ្វើពិនិត្យនៅជុំវិញសាកសពជនរងគ្រោះនឹងធ្វើការពិនិត្យទៅលើសាកសព ខណៈនោះសមត្ថកិច្ចជំនាយបានធ្វើសនិ្នដ្ឋានថា ជនរងគ្រោះពិតជាបានចង.កធ្វើអត្តឃាតខ្លួនឯងដោយពិតប្រាកដមែន ៕
ចែករំលែកព័តមាននេះ