ជាសិស្សសាលាទៀត ធ្លាប់៣ដងរួចមកហើយ ទើបតែលើកនេះអស់លក្ខណ៍
- តាកែវ
ខេត្តតាកែវ ៖ ជនសង្ស័យចំនួន២នាក់ត្រូវប៉ូលិសស្រុកគីរីវង់បានធ្វើការឃាត់ខ្លួនរួចកសាងសំណុំរឿងបញ្ជូនមកកាន់ការិយាល័យព្រហ្មទណ្ឌដើម្បីចាត់ការបន្ត ខណៈដែលជនសង្ស័យបានធ្វើសកម្មភាពជិះម៉ូតូធ្វើសកម្មភាពឆក់ការបូបលុយរបស់ប្រជាពលរដ្ឋយ៉ាងសកម្មនៅលើទឹកដីស្រុកគីរីវង់តែដល់ថ្ងៃអស់លក្ខណ៍ក៏ត្រូវប៉ូលិសចាប់ខ្លួនបានតែម្តង ។ ហេតុការណ៍ចាប់ខ្លួនចោឆក់កាបូបលុយនេះកើតឡើងនៅថ្ងៃទី១៥ ខែធ្នូ ឆ្នាំ២០១៨ វេលាម៉ោង០២និង១២នាទី ។…
លោកវរសេនីយ៍ឯក យុគ សារ៉ាត់ អធិការនគរបាលស្រុកគីរីវង់បានអោយដឹងថា ក្រោយពេលកើតហេតុនេះភ្លាមលោកក៏បានដឹកនាំកម្លាំងដោយបានសហការជាមួយកម្លាំងប៉ុស្តិ៍រដ្ឋបាលឃុំបានស្ទាក់ចាប់បានជនសង្ស័យចំនួន២នាក់ទី១-ឈ្មោះ ជា សុបញ្ញា ភេទប្រុស អាយុ១៨ឆ្នាំ រស់នៅភូមិកំពង់ ឃុំព្រះបាទជាន់ជុំ ស្រុកគិរីវង់ (អ្នកបើកម៉ូតូ) និងទី២-ឈ្មោះ មុត សុវណ្ណរ៉ា ភេទប្រុស អាយុ១៦ឆ្នាំ ជាសិស្សវិទ្យាល័យថ្នាក់ទី១០ ជាអ្នកឆក់ បានធ្វើសកម្មភាពឆក់ស្ថិតក្នុងភូមិខ្វាវ ឃុំព្រៃអំពក ស្រុកគិរីវង់ ខេត្តតាកែវ ដោយប្រើប្រាស់ម៉ូតូធ្វើសកម្មភាពម៉ាក C125 ផ្លាកលេខ ក្រុងព្រះសីហនុ 1A-3893 ។
ចែករំលែកព័តមាននេះ