ខេត្តរតនគិរី ៖ រថយន្តម៉ាកហ៊ីយ៉ាន់ដាយពន្លះគ្នាជាមួយម៉ូតូ បណ្តាលឱ្យមនុស្ស០៣នាក់រងរបួសធ្ងន់ និងស្រាល ដែលសាច់ញាតិបញ្ជូនសង្គ្រោះបន្ទាន់នៅមន្ទីរពេទ្យបង្អែកខេត្ត ។
ហេតុការណ៍គ្រោះថ្នាក់ចរាចរណ៍បានកើតឡើង នៅវេលាម៉ោង១៥និង១០នាទីថ្ងៃទី១៥ ខែធ្នូឆ្នាំ២០១៨ លើកំណាត់ផ្លូវជាតិលេខ៧៨ ស្ថិតភូមិ២ ឃុំត្រពាំងច្រេស ស្រុកកូនមុំ ខេត្តរតនគិរី ។
ប្រភពបានឱ្យដឹងថា ករណីនេះកើតឡើងរវាងរថយន្តម៉ាកហ៊ីយ៉ាន់ដាយ ពណ៍ខៀវ ពាក់ស្លាកលេខ 3C- 3110PP បើកបរដោយឈ្មោះ ង៉ែត សុខ ភេទប្រុស អាយុ៣៣ឆ្នាំ ជនជាតិខ្មែរ រស់នៅភូមិ៣ ឃុំត្រពាំងច្រេស មុខរបរ មិនពិតប្រាកដ ។ អ្នកបើកបរម៉ូតូ ម៉ាកកូរ៉េ ពណ៌ក្រហម គ្មានស្លាកលេខ បើកបរដោយឈ្មោះ ខាត់ តួ ភេទប្រុសអាយុ៥៨ឆ្នាំ ជនជាតិខ្មែ រស់នៅភូមិ៣ ឃុំត្រពាំងច្រេស មុខរបរកសិករ រងរបួសធ្ងន់បាក់ជើងស្តាំ និងអ្នករួមដំណើរម្នាក់ទៀតឈ្មោះ ចិត្រ ភេទប្រុស អាយុ៣៥ឆ្នាំ ជនជាតិខ្មែរ រស់នៅភូមិឃុំខាងលើបានរងរបួសបែកក្បាលផ្នែកខាងស្តាំ ។
ក្រោយកើតហេតុអ្នករងរបួសត្រូវបានបញ្ជូនតាមរថយន្តសាមុយស្រុកកូនមុំ ទៅសម្រាកព្យាបាលនៅមន្ទីពេទ្យបង្អែកខេត្ត ។ ហើយវត្ថុតាងទាំងពីរត្រូវបានសមត្ថកិច្ចយកទៅរក្សាទុកនៅអធិការស្រុកកូនមុំ រង់ចាំដោះស្រាយគ្នានៅពេលក្រោយ ។ សមត្ថកិច្ចថា ករណីនេះបង្កឡើងដោយរថយន្តខាងលើបើកបរមិនមានការប្រុងប្រយ័ត្នទើបបណ្តាលឱ្យបុកពេញទំហឹងតែម្តង ៕
ចែករំលែកព័តមាននេះ