យោងតាមការទស្សន៍ទាយរបស់គ្រូហុងស៊ុយបានឱ្យដឹងថា នៅថ្ងៃសុក្រ ទី១៤ ធ្នូជាថ្ងៃដើមទ្រព្យ ឆ្នាំដែលមានរាសីឡើងខ្ពស់មានចំនួន៤ពិតជាមិនធម្មតា សូមបារមីវត្ថុស័ក្តិសិទ្ធិក្នុងលោក និងទេវតាឆ្នាំថ្មី តាមជួយប្រោះព្រំពួកគេ ដែលបានស៊ែរចេញទៅឲ្យសម្រេចបាន ជោគជ័យ…
យោងតាមការទស្សន៍ទាយរបស់គ្រូហុងស៊ុយបានឱ្យដឹងថា នៅថ្ងៃសុក្រ ទី១៤ ធ្នូជាថ្ងៃដើមទ្រព្យ ឆ្នាំដែលមានរាសីឡើងខ្ពស់មានចំនួន៤ពិតជាមិនធម្មតា សូមបារមីវត្ថុស័ក្តិសិទ្ធិក្នុងលោក និងទេវតាឆ្នាំថ្មី តាមជួយប្រោះព្រំពួកគេ ដែលបានស៊ែរចេញទៅឲ្យសម្រេចបាន ជោគជ័យ និងសម្រេចរាល់ក្តីបំណងរបស់គេផងចុះ ចូលលាភចូលលុយច្រើនមហាសាល និងធ្វើឲ្យការទស្សន៍ទាយនេះឆុតមួយរយភាគរយ ។
ឆ្នាំវក ពានរនាំទ្រព្យ រាសីឡើងខ្ពស់ត្រដែត នៅថ្ងៃសុក្រស្អែកនេះលោកអ្នកធ្វើអ្វីក៏ដោយតែងភ្លឺថ្លា មានក្តីសោមនស្សព្រោះការងារជោគជ័យ។ ពេលនេះលោកអ្នកអាចសម្រុកការងារបានហើយពីព្រោះថា ផលជាផ្លែផ្កានឹងហុចមកអ្នកវិញគួរជាទីកក់ក្តៅ។ បើជាអ្នកប្រកបរបររកស៊ីជួញដូរតែងទាក់ទាញអតិថិជនចាស់ថ្មីឱ្យចូលមកច្រើនសន្ធឹក ពិសេសបើចង់ផ្លាស់ប្តូរមុខរបរថ្មីផងតែងជោគជ័យលាភលុយហូរចូលដូចទឹក។ ការធ្វើដំណើរទៅទីឆ្ងាយជិតជួបតែភាពសុខដុមជានិច្ច ។ ចំណែកបញ្ហាស្នេហាស្វាមីភរិយាកំលោះក្រមុំ មេម៉ាយពោះម៉ាយមានភាពផ្អែមល្ហែមនិងស្រស់ស្រាយរកគ្នា ។
ឆ្នាំមមី សេះមាសនាំសំណាង រាសីខ្ពស់ត្រដែត។ នៅថ្ងៃសុក្រស្អែកនេះជាថ្ងៃផ្តល់ផលល្អសម្រាប់ការសម្រេចចិត្តការងារឬបណ្តាក់ទុនរកស៊ីអ្វីមួយ ព្រោះថាផលជាផ្លែផ្កាឆ្លើយតបមកវិញបានជាទីពេញចិត្ត។ បើជាអ្នកប្រកបរបររកស៊ីជួញដូរមានការទិញចូលលក់ចេញចំណេញកប់ពពក។ បើចង់ចរចារឿងទំនិញអ្វីមួយតែងអាចសម្រេចចប់ចុងចប់ដើមជាទីគាប់ចិត្ត។ ឯបញ្ហាស្នេហាស្វាមីភរិយាកំលោះក្រមុំមានតែភាពល្អូកល្អិនរកគ្នា ។
ឆ្នាំខាល ខ្លាមានឫទ្ធិនាំជោគ រាសីឡើងខ្ពស់ត្រដែត។ ការរស់នៅរបស់លោកអ្នកប្រកបដោយមង្គលដ៏ឧត្តម។ ហេតុនេះទោះលោកអ្នកធ្វើកិច្ចការអ្វីរមែងសម្រេចផលជាទីគាប់ចិត្ត តែលោកអ្នកកុំធ្វេសប្រហែសឡើយ គឺត្រូវតែប្រយ័ត្នប្រយែង ប្រឹងប្រែងកុំដកដៃ បើពុំនោះទេនឹងគ្មានឱកាសអង្គុយលើប្រាក់ទេ ។ចំពោះអ្នកប្រកបរបររកស៊ីជួញដូរពេលនេះប្រៀបបាននឹងភ្លៀងធ្លាក់មួយមេធំព្រោះលាភកំពុងហូរចូលដូចទ.ទឹក។ រីឯសេចក្តីស្នេហាកំលោះក្រមុំមានការរីកលូតលាស់ទៅមុខនិងកំពុងផ្អែមល្ហែមរកគ្នាល្អប្រពៃណាស់ ។
ឆ្នាំកុរ ជ្រូកនាំសំណាង រាសីខ្ពស់ត្រដែត។ នៅថ្ងៃសុក្រស្អែកនេះលោកអ្នកមានអារម្មណ៍ស្រស់ស្រាយហើយពិសេសនោះលោកអ្នកអាចមានដំណឹងល្អមកពីទីឆ្ងាយថែមទៀត។ លើសពីនេះបើមានការប្រកបការងារអ្វីតែងត្រូវចៅហ្វាយនាយឬអ្នកគ្រប់គ្រងពេញចិត្តពេញថ្លើម ផ្តល់លាភជារង្វាន់លើកទឹកចិត្តថែមទៀត។ ចំណែកអ្នកប្រកបរបររកទទួលទាន ឬអ្នកជំនួញរមែងមានការចម្រើនលូតលាស់ទៅមុខជាដរាប និងបើចង់ផ្លាស់ប្តូរកន្លែងលក់ដូរតែងផ្តល់ផលល្អមានលាភ មានលុយហូរច្រើន។ ឯសេចក្តីស្នេហាប្រុសស្រីមានតែការស្រស់ស្រាយនិងផ្អែមល្ហែមរកគ្នាជានិច្ច ។
ចែករំលែកព័តមាននេះ