ខេត្តរតនគិរី ៖ គោយន្តកែច្នៃមួយគ្រឿងបានក្រឡាប់ដោយខ្លួនឯងបណ្ដាលឲ្យមនុស្សចំនួន៣នាក់ ដែលជិះលើគោយន្តនោះ រងរបួសយ៉ាងធ្ងន់ធ្ងរ។ គ្រោះថ្នាក់គោយន្តកែច្នៃក្រឡាប់ដោយខ្លួនឯងនេះ បានកើតឡើងកាលពីវេលាម៉ោង៥ល្ងាចថ្ងៃ ទី១២ ខែធ្នូ ឆ្នាំ២០១៨ត្រង់ចំណុចភ្នំកាច់ចង្កេះ…
ខេត្តរតនគិរី ៖ គោយន្តកែច្នៃមួយគ្រឿងបានក្រឡាប់ដោយខ្លួនឯងបណ្ដាលឲ្យមនុស្សចំនួន៣នាក់ ដែលជិះលើគោយន្តនោះ រងរបួសយ៉ាងធ្ងន់ធ្ងរ។
គ្រោះថ្នាក់គោយន្តកែច្នៃក្រឡាប់ដោយខ្លួនឯងនេះ បានកើតឡើងកាលពីវេលាម៉ោង៥ល្ងាចថ្ងៃ ទី១២ ខែធ្នូ ឆ្នាំ២០១៨ត្រង់ចំណុចភ្នំកាច់ចង្កេះ ស្ថិតនៅភូមិកាឡៃ៣ ឃុំកាឡៃ ស្រុកអូរជុំ ខេត្តរតនគិរី។
ប្រភពព័ត៌មានពីសមត្ថកិច្ច បានឲ្យដឹងថា ហេតុការណ៍គោយន្តកែច្នៃក្រឡាប់នេះ ដំបូងឡើយគេឃើញបើកបរពីត្បូងទៅជើង លុះមកដល់ចំណុចកើតហេតុ ដោយសារអ្នកបើកបរខ្វះការប្រុងប្រយ័ត្ន និងគាប់ជួនមានបញ្ហាហ្វ្រាំងផងនោះក៏បណ្ដាលឱ្យរេចង្កូតក្រឡាប់ធ្លាក់ចេញពីផ្លូវតែម្ដង។
ជនរងគ្រោះក្នុងហេតុការណ៍ខាងលើនោះរួមមាន១- អ្នកបើកបរគោយន្តឈ្មោះ រិន បញ្ញារ៉ុង ភេទប្រុស អាយុ៣០ឆ្នាំ មុខរបរកសិករ មានទីលំនៅភូមិអូរជុំ ឃុំអូរជុំ ស្រុកអូរជុំ ខេត្តរតនគិរី (បានរងរបួសធ្ងន់បែកប្រអប់ជើងខាងឆ្វេង) ២-ឈ្មោះ សុខ ហេង ភេទប្រុស អាយុ២៤ឆ្នាំ មុខរបរកសិករ ជាអ្នករួមដំណើរ មានទីលំនៅភូមិឃុំជាមួយគ្នា (រងរបួសធ្ងន់រហូតដល់សន្លប់) និង៣-ឈ្មោះនាង ឆេង ភេទប្រុស អាយុ៤២ឆ្នាំ មុខរបរកសិករ ជាអ្នករួមដំណើរ មានទីលំនៅភូមិឃុំជាមួយគ្នា (រងរបួសធ្ងន់ត្រង់ភ្លៅខាងស្តាំ)។
ជនរងរបួសទាំង៣នាក់ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្ត។ ក្រោយកើតហេតុគោយន្តកែច្នៃដែលក្រឡាប់ខាងលើនេះ ត្រូវបានក្រុមគ្រួសារស្ទូចយកទៅជួសជុលដោយខ្លួនឯង៕
ចែករំលែកព័តមាននេះ