ខេត្តបន្ទាយមានជ័យ ៖ អភិបាលក្រុងប៉ោយប៉ែតមុនម៉ោងចូលធ្វើការត្រូវដើរមើលតាមផ្លូវប្រជុំជនក្រុង និងច្រកទ្វារអន្តរជាតិប៉ោយប៉ែតដើម្បីពិនិត្យមើលសំរាម និងសណ្តាប់ធ្នាប់ ។
ជាក់ស្តែងកាលពីថ្មីៗឃើញវត្តមានលោក សាន ស៊ានហូរ អភិបាលក្រុងប៉ោយប៉ែតបានចុះដើរពិនិត្យតាមដងផ្លូវទីប្រជុំជនក្រុងប៉ោយប៉ែត និងចំណុះរង្វង់មូលច្រកចូលច្រកទ្វារអន្តរជាតិប៉ោយប៉ែតហើយឃើញលោកបានស្តីថា ៖ «អ្នកលក់តាមចិញ្ចើមផ្លូវ និងអូសរទេះដើរលក់ដូរហើយត្រូវចេះរើសសំរាមសំអាត និងអនាម័យកន្លែងលក់អោយបានស្អាត និងចូលអនាម័យជួយដល់ក្រុងផងព្រោះនៅទីនេះមានធុងសំរាមអោយដាក់មិនត្រូវបោះចោលពាសវាលពាសកាលឡើយ» ។
លោក សាន ស៊ានហូរ អភិបាលក្រុងប៉ោយប៉ែតបានបញ្ជាក់ថា ក្រុងប៉ោយប៉ែតគឺជាក្រុងមួយដែលជាប់ព្រំដែនកម្ពុជា-ថៃដែលមានច្រកអន្តរជាតិប៉ោយប៉ែតដែលមានភ្ញៀវជាតិ និងអន្តរជាតិឆ្លងកាត់ និងចេញចូលមកកម្ពុជាក្នុង១ថ្ងៃរាប់រយនាក់ ។ ហើយប្រជាពលរដ្ឋរកចំណូលបានពីភ្ញៀវជាតិ និងអន្តរជាតិដែលចូលមកកម្ពុជាដើម្បីអោយយើងរកចំណូលបានសំខាន់ខ្លួនយើងត្រូវចេះទំនាក់ទំនង និងបដិសណ្ឋារកិច្ចល្អ និងកន្លែងលក់ដូរមានការអនាម័យ និងបរិស្ថានល្អទើបអាចទាក់ទាញភ្ញៀវបាន ។
លោក សាន ស៊ានហូរ បានបញ្ជាក់ថា មុនពេលម៉ោលចូលការងាររដ្ឋបាលនៅសាលាក្រុងប៉ោយប៉ែតគឺលោកបានចេញដំណើរទៅពិនិត្យដើរមើលនៅតាមផ្លូវទីប្រជុំជនប៉ោយប៉ែត និងនៅចំណុចរង្វង់មូលច្រក និងច្រកទ្វារអន្តរជាតិប៉ោយប៉ែតដើម្បីពិនិត្យមើលការអនាម័យ និងនិងបរិស្ថានហើយសណ្តាប់ធ្នាប់អោយបានល្អដល់ម៉ោងទើបចូលធ្វើការងាររដ្ឋបាល ៕
ចែករំលែកព័តមាននេះ