ក្រុមហ៊ុនប្រមូលសំរាម បង្កវិបត្តិបំពុលបរិស្ថានកណ្តាលក្រុងបានលុង
- រតនគិរី
ខេត្តរតនគិរី ៖ គំនរសំរាមដែលក្រុមហ៊ុន គឹមជ្រា របស់លោក ជា គួង យកទៅចាក់ចោលពាស វាលពាសកាលក្បែរសត្តឃាតដ្ឋាន បង្កផលប៉ះពាល់ដល់សុខភាពសាធារណៈយ៉ាងធ្ងន់ធ្ងរ…
ខេត្តរតនគិរី ៖ គំនរសំរាមដែលក្រុមហ៊ុន គឹមជ្រា របស់លោក ជា គួង យកទៅចាក់ចោលពាស វាលពាសកាលក្បែរសត្តឃាតដ្ឋាន បង្កផលប៉ះពាល់ដល់សុខភាពសាធារណៈយ៉ាងធ្ងន់ធ្ងរ…
ខេត្តរតនគិរី ៖ គំនរសំរាមដែលក្រុមហ៊ុន គឹមជ្រា របស់លោក ជា គួង យកទៅចាក់ចោលពាស វាលពាសកាលក្បែរសត្តឃាតដ្ឋាន បង្កផលប៉ះពាល់ដល់សុខភាពសាធារណៈយ៉ាងធ្ងន់ធ្ងរ ត្រូវបានលោក ប៊ូ ឡាំ តំណាងរាស្ត្រមណ្ឌលរតនគិរី មានប្រតិកម្មយ៉ាងខ្លាំង និងបានចុុះទៅពិនិត្យផ្ទាល់ កាលពីព្រឹកថ្ងៃទី៩ ខែធ្នូ ។ ការចុះទៅនោះលោកតំណាងរាស្ត្រ និងប្រធានមន្ទីរពាក់ព័ន្ធក៏បានអញ្ជើញទៅពិនិត្យផ្ទាល់ជាក់ស្ដែងដល់គំនរសំរាម ស្ថិតក្នុងភូមិ៣ និងភូមិតាផ្លើនក្នុងសង្កាត់កាចាញ ហើយបន្តទៅទីសត្តឃាតនៅភូមិជ្រី សង្កាត់
ឡាបានសៀក ក្រុងបានលុង ផងដែរ ។
លោក ប៊ូ ឡាំ ប្រតិកម្មថា លោកមិនបណ្ដែតបណ្ដោយឲ្យប្រជាពលរដ្ឋរងទុក្ខលំបាកវេទនា ទ្រាំរស់ក្នុងបរិយាកាសក្លិនស្អុយអសោចិ៍ពីគំនរសំរាម និងក្លិនស្អុយអសោចិ៍ពីសត្តឃាតដ្ឋាន ដែលគ្មានអនាម័យបែបនេះទៀតឡើយ ។ លោកបន្តថា ប្រាក់ខែតំណាងរាស្ត្រគឺបានមកពីរាស្ត្រ ដូចនេះលោកនឹងធ្វើអ្វីៗគ្រប់បែបយ៉ាងដើម្បីសេចក្តីសុខរបស់ប្រជាពលរដ្ឋ ។
ក្នុងនាមតំណាងរាស្ត្រមណ្ឌលរតនគិរី ជាពិសេសតំណាងឲ្យប្រជាពលរដ្ឋទាំង៣ភូមិខាងលើ លោកបានអំពាវនាវដល់សម្ដេចតេជោនាយករដ្ឋមន្ត្រី ហ៊ុនសែន សូមសម្តេចមេតា្តចាត់វិធានការចំពោះបុគ្គលជា គួង ឲ្យប្រមូលសំរាមចេញឲ្យអស់ពីមូលដ្ឋានរបស់ប្រជាពលរដ្ឋខាងលើនេាះផង បើទោះបីជា បុគ្គល ជា គួង អស់សិទ្ធិក្នុងការប្រមូលសំរាមក៏ដោយ ក៏មិនឲ្យបុគ្កលនេះរួចខ្លួនពីការទទួលខុសត្រូវដែរចំពោះការបំពុលបរិស្ថាននេះ ។
លោក ប៊ូ ឡាំ បន្តថា ងសូមឱ្យបុគ្គលជា គួង អនុវត្តឲ្យបានត្រឹមត្រូវតាមបទដ្ឋានបច្ចេកទេសបរិស្ថាន ពីព្រោះគ្មាននរណាហ៊ានប៉ះពាល់បុគ្គល ជា គួង ដោយសារបុគ្គលរូបនេះអាងខ្នងអ្នកធំម្នាក់នៅឯភ្នំពេញចាំការពារជារៀងរហូតមក។ ដូច្នេះ មានតែសម្ដេចតេជោទេ ដែលអាចចាត់វិធានការចំពោះលោក ជា គួង នេះបាន ។
មានការកត់សម្គាល់ថា អតីតក្រុមហ៊ុនប្រមូលសំរាម គឹម ជ្រា របស់លោក ជា គួង បានបង្កការក្តៅក្រហាយយ៉ាងខ្លាំងដល់ប្រជាពលរដ្ឋក្នុងក្រុងបានលុង ដោយធ្វើការប្រមូលសំរាមមិនទៀងទាត់ ចង់ប្រមូលក៏ប្រមូល មិនចង់ប្រមូលទុកឲ្យសំរាមគរដូចភ្នំនៅផ្សារក្រុងបានលុង និងតាមផ្ទះរបស់ប្រជាពលរដ្ឋ ។ ជាពិសេស បានយកសំរាមទៅចាក់ចោលពាសវាលពាសកាលនៅតាមដីចម្ការរបស់ប្រជាពលរដ្ឋ និងបានលួចបន្លំកែតម្លៃសៀវភៅបន្ទុកថែមទៀតផង រហូតអាជ្ញាធរខេត្តសម្រេចចិត្តបញ្ឈប់ក្រុមហ៊ុនប្រមូលសំរាមនេះកាលពីថ្ងៃទី១ ខែធ្នូ កន្លងទៅ ។
ដោយឡែក ទីសត្តឃាតរបស់លោក ជា គួង នេះក៏បានបង្កផលប៉ះពាល់ដល់បរិស្ថានយ៉ាងធ្ងន់ធ្ងរដែរ និងមិនគោរពតាមបទដ្ឋានបច្ចេកទេសបរិស្ថាន បណ្ដែតបណ្ដោយឲ្យទឹកស្អុយហៀរហូរចូលដីនិងលំនៅឋានរបស់ប្រជាពលរដ្ឋនៅជុំវិញនោះ ទោះបីជាអាជ្ញាធរខេត្តហៅមកធ្វើការអប់រំណែនាំចំនួន៧លើករួចមកហើយក្តី ក៏លោក ជា គួង មិនឈឺក្បាលវិលមុខដែរ ៕
ចែករំលែកព័តមាននេះ