ខេត្តឧត្តរមានជ័យ ៖ ដីព្រៃរាបរយហិកតាត្រូវបានលោកផ្កាយ២ អ៊ុក គឹមលី ដាក់គ្រឿងចក្រ៤គ្រឿងធ្វើការឈួសឆាយដីព្រៃរបស់រដ្ឋចាប់ពីចុងខែវិច្ឆិកា រហូតមកទល់ដើមខែធ្នូនេះ ស្ថិតនៅក្នុងភូមិសាមគ្គី ឃុំត្រពាំងប្រីយ៍ ស្រុកអន្លង់វែង…
ខេត្តឧត្តរមានជ័យ ៖ ដីព្រៃរាបរយហិកតាត្រូវបានលោកផ្កាយ២ អ៊ុក គឹមលី ដាក់គ្រឿងចក្រ៤គ្រឿងធ្វើការឈួសឆាយដីព្រៃរបស់រដ្ឋចាប់ពីចុងខែវិច្ឆិកា រហូតមកទល់ដើមខែធ្នូនេះ ស្ថិតនៅក្នុងភូមិសាមគ្គី ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋដែលមនទីលំនៅក្នុងឃុំត្រពាំងប្រីយ៍បានឲ្យដឹងថា នៅក្នុងឃុំនេះ នរណាៗក៏បានឮល្បីថា លោកផ្កាយ២រូបនេះមានដីជាច្រើនកន្លែង សូម្បីដីដែលប្រជាពលរដ្ឋរស់នៅសព្វថ្ងៃតាមដងផ្លូវយុទ្ធសាស្ត្ររបស់សម្តេចតេជោ ហ៊ុន សែន ស្ថិតនៅក្នុងភូមិថ្គាមរមាសនេះ លោកផ្កាយ២ បានប្តឹងចោទប្រកាន់ពួកគាត់ថា រស់នៅលើដីរបស់លោកដែរ ។ ជាក់ស្តែងនាពេលថ្មីៗនេះលោកផ្កាយ២ អ៊ុក គឹមលី បានយកគ្រឿងចក្រ៤គ្រឿងធ្វើការឈួសឆាយដីព្រៃរបស់រដ្ឋចាប់ពីចុងខែវិច្ឆិកា ទល់ខែធ្នូ ២០១៨នេះ។
ទាក់ទិនទៅនឹងការចោទប្រកាន់នេះ លោកផ្កាយ២នាយរងការិយាល័យទំនាក់ទំនងព្រំដែនកម្ពុជា-ថៃ-វៀតណាម-ឡាវបានឲ្យដឹងតាមទូរស័ព្ទថា ដីដែលធ្វើការឈួសឆាយនេះ មានជាង២០០ហិកតា គឺលោកបានប្រមូលទិញពីម្ចាស់ដី ហើយលោកបានធ្វើសិទ្ធិកាន់កាប់ប្រើប្រាស់ដីនេះ ដោយស្របច្បាប់ដែលមានរយៈពេលជាង១០ឆ្នាំមក ហើយមិនមែនជាដីគម្របព្រៃរដ្ឋទេ បន្ទាប់មកលោកបានដាក់គ្រឿងចក្រធ្វើការឈួសឆាយដីឲ្យបានស្អាតដាំដំណាំផ្សេងៗ។
លោក ស៊ូ ណាត មេឃុំត្រពាំងប្រីយ៍ នៅព្រឹកថ្ងៃទី១១ ធ្នូនេះ អ្នកយកព័ត៌មានបានទូរស័ព្ទជួបឲ្យជួយបំភ្លឺដែលពាក់ព័ន្ធរឿងរ៉ាវដីធ្លីរបស់លោកផ្កាយ២រូបនេះ ហើយលោកបានអះអាងថា ដីនោះជាដីរបស់លោកអ៊ុក គឹមលី មែន ដែលមានសិទ្ធិប្រើប្រាសដីត្រឹមតែអាជ្ញាធរមូលដ្ឋានទេ ។ លោកបានបញ្ជាក់ថា ក្នុងការដាក់គ្រឿងចក្រឈួសឆាយ គួរតែធ្វើសំណើរដាក់ឲ្យមន្ត្រីដែលពាក់ព័ន្ធ រួមទាំងអាជ្ញាធរបានដឹងឮទទួលស្គាល់ផង៕
ចែករំលែកព័តមាននេះ