ប្រទេសតួកគី ៖ វិបត្តិពួកអាវកាក់លឿងបន្ទាប់ពីលោកដូណាល់ត្រាំ ឥឡូវដល់វេនប្រធានាធិបតីតួកគី លោករីស៊ីបតៃយីបអ័រដូហ្គានម្ដង ដែលវាយប្រហារលើបារាំង។
ប្រធានាធិបតីតួកគីនាថ្ងៃទី១០ធ្នូ បានចោទប្រកាន់ពួកអ្នកការពារសិទ្ធិមនុស្សថា បិទភ្នែកបិទមាត់ លើបាតុកម្មរបស់ពួកអាវកាក់លឿង។ លោកគូសបញ្ជាក់ថា ពួកគេធ្វើគរធ្វើថ្លង់ចំពោះអ្វីៗដែលកើតមាននៅក្រុងប៉ារីស ខណៈមុននេះពួកគេនាំគ្នារិះគន់ខ្លាំងបំផុត ពេលតួកគីបង្រាបពួកបាតុករប្រឆាំងរដ្ឋាភិបាលនៃនិទាឃរដូវ២០១៣ ហៅGEZI។
ក្នុងសុន្ទរកថាមួយតាមទូរទស្សន៍ប្រមុខរដ្ឋតួកគីបានបរិហារថា ពួកអ្នកដែលធ្លាប់តែការពារសិទ្ធិមនុស្ស ពេលមានបាតុកម្មនៅក្រុងអីុស្តង់ប៊ុល បានក្លាយទៅនាំគ្នាបិទភ្នែកធ្វើខ្វាក់និងធ្វើគរថ្លង់ ប្រឈមមុខនឹងអ្វីដែលកើតមាននៅក្រុងប៉ារីស។
អាជ្ញាធរតួកគីត្រូវបានពួកលោកខាងលិចនិងបណ្ដាអង្គការការពារសិទ្ធិមនុស្ស រិះគន់ខ្លាំងបំផុត បន្ទាប់ពីការបង្ក្រាបយ៉ាងសាហាវបាតុកម្មធំៗប្រឆាំងរដ្ឋាភិបាលនៃនិទាឃរដូវ២០១៣ ហៅGEZI។ លោកថាពួកអ្នកឯងបានប្រមូលគ្នា ពេលមានព្រឹត្តិការណ៍GEZI តើហេតុអអ្វីទៅ? តើនោះមកពីតួកគីឬ? ឥឡូវគួរណាស់ពួកអ្នកនាំគ្នាធ្វើដូចពេលនោះដែរទៅ បើរឿងវាដូចតែគ្នាហ្នឹង?
សរុបមនុស្ស១៧២៣នាក់ត្រូវចាប់ខ្លួនក្នុងប្រទេសបារាំងកាលពីថ្ងៃទី៨ធ្នូ នាឱកាសនៃការប្រមូលគ្នាធ្វើបាតុកម្មរបស់ពួកអាវកាក់លឿង។ ចំណែកមនុស្សដល់ទៅ១២២០នាក់ត្រូវជាប់ឃុំឃាំង។
ចំណែករុស្ស៊ីវិញបានបដិសេធការចោទប្រកាន់ថាប៉ុនប៉ងបង្កើនចលនារបស់ពួកអាវកាក់លឿង ខណៈភ្នាក់ងារស៊ើបការណ៍បារាំងបំភ្លឹលទ្ធភាពនៃការជ្រៀតជ្រែករបស់បរទេស ចូលក្នុងសកម្មភាពរបស់បណ្ដាបណ្ដាញសង្គម។ វិមានក្រឹមឡាំងបានបដិសេធយ៉ាងម៉ឺងម៉ាត់ លើការលូកដៃចូលឡូកឡំក្នុងកិច្ចការផ្ទៃក្នុងបារាំង។
ប្រធានាធិបតីបារាំងលោកEMMANUEL MACRONក្នុងសុន្ទរកថាមួយកាលពីថ្ងៃទី១០ធ្នូ លើកពីការប្រកាសអាសន្នសង្គមមួយ ព្រមទាំងពីបណ្ដាវិធានការជាច្រើន ប្រឈមមុខនឹងចលាចលសង្គម៕
ចែករំលែកព័តមាននេះ