ខេត្តបន្ទាយមានជ័យ ៖ មន្ត្រីជំនាញចុះពិនិត្យការ៉ាសសាំងលើកទី១រកឃើញសាំង១០០លីត្រខ្វះ១០លីត្រធ្វើកិច្ចសន្យា និងណែនាំលើកទី២ខ្វះ៨លីត្រមិនរាងចាលចាត់ការតាមច្បាប់ចំពោះម្ចាស់ការ៉ាសសាំងបញ្ជូនសាលាដំបូងខេត្តបន្ទាយមានជ័យកាលពីថ្ងៃទី០៩ ខែធ្នូ ឆ្នាំ២០១៨ ។ លោក សាន វិជ្ជាសារ៉ាវុធ…
ខេត្តបន្ទាយមានជ័យ ៖ មន្ត្រីជំនាញចុះពិនិត្យការ៉ាសសាំងលើកទី១រកឃើញសាំង១០០លីត្រខ្វះ១០លីត្រធ្វើកិច្ចសន្យា និងណែនាំលើកទី២ខ្វះ៨លីត្រមិនរាងចាលចាត់ការតាមច្បាប់ចំពោះម្ចាស់ការ៉ាសសាំងបញ្ជូនសាលាដំបូងខេត្តបន្ទាយមានជ័យកាលពីថ្ងៃទី០៩ ខែធ្នូ ឆ្នាំ២០១៨ ។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យដោយមានការណែនាំពីរដ្ឋមន្ត្រីក្រសួងពាណិជ្ជកម្ម និងដាក់វិធានការពីអគ្គនាយកដ្ឋានកាំកុងត្រូលហើយមន្ត្រីជំនាញបានចុះពិនិត្យការ៉ាសសាំងក្នុងខេត្តបន្ទាយមានជ័យដើម្បីពិនិត្យសាំង និងម៉ាស៊ូតអោយគ្រប់ចំណុះទៅតាមភាពអនុលោមនៃច្បាប់(លម្អៀងយ៉ាងច្រើន១លីត្រក្នុង១០០លីត្រ) ។
លោកបានបញ្ជាក់ថា កាលពីថ្ងៃទី១៨ ខែសីហា ឆ្នាំ២០១៨ កន្លងទៅមន្ត្រីសាខាកាំកុងត្រូលខេត្តបន្ទាយមានជ័យបានចុះពិនិត្យការ៉ាសសាំងក្នុងទូទាំងខេត្តបន្ទាយមានជ័យរកឃើញការ៉ាសសាំងកន្លែងនៅក្បែព្រំដែនគឺម្ចាស់ការ៉ាសសាំងឈ្មោះ ឃាង សឿន ភេទប្រុស អាយុ៤៨ឆ្នាំ រស់នៅភូមិ-ឃុំអូរបីជាន់ស្រុកអូរជ្រៅ ដែលមន្ត្រីជំនាញចុះពិនិត្យលើកទី១ចំណុះសាំង១០០លីត្រខ្វះឬបាត់១០លីត្រហើយមន្ត្រីជំនាញបានធ្វើកិច្ចសន្យាណែនាំ ។
លោកបានបញ្ជាក់ថា នៅថ្ងៃទី០៥ ខែធ្នូ ឆ្នាំ២០១៨ មន្ត្រីសាខាកាំកុងត្រូលខេត្តបន្ទាយមានជ័យបានចុះពិនិត្យជាលើកទី២បានធ្វើរង្វាស់រង្វាលចំណុះសាំង១០០លីត្រខ្វះឬបាត់៨លីត្រទើបមន្ត្រីជំនាញដោយធ្លាប់ធ្វើកិច្ចសន្យាជាលើកទី១ហើយដល់លើកទី២មិនព្រមកែខ្លួនទើបមន្ត្រីសាខាកាំកុងត្រូលបានធ្វើកសាងសំណុំរឿងបញ្ចូនឈ្មោះ ឃាង សឿន (ជាម្ចាស់ការ៉ាសសាំងនៅចំណុចអូរបីជាន់) ជាប់ជាយដែនត្រូវបានបញ្ជូនទៅសាលាដំបូងខេត្តបន្ទាយមានជ័យដើម្បីអនុវត្តទៅតាមច្បាប់ ។
លោក សាន វិជ្ជាសារ៉ាវុធ បានអំពាវនាវដល់ម្ចាស់ការ៉ាសសាំងត្រូវកែតម្រូវទៅតាមភាពអនុលោមនៃច្បាប់លម្អៀងយ៉ាងច្រើនបំផុត១លីត្រក្នុងចំណុះ១០០លីត្របើសិនជាមន្ត្រីជំនាញចុះពិនិត្យរកឃើញការ៉ាសសាំងណាមួយដែលអថិតិជនចាក់សាំង១០០លីត្រខ្វះឬបាត់ចំណុះលីត្រត្រូវរាយការជូនមន្ត្រីសាខាកាំកុងត្រូលខេត្តបន្ទាយមានជ័យ និងមានវិធានការតាមច្បាប់ ៕
ចែករំលែកព័តមាននេះ