ខេត្តរតនគិរី ៖ គំនរសំរាមដែលក្រុមហ៊ុន កឹម ជ្រា របស់លោកជា គួង ដែលយកទៅចាក់ចោលពាសវាលពាសកាលក្បែរកន្លែងសត្វឃាតដ្ឋានគ្មានអនាម័យបង្កផលប៉ះពាល់ដល់សុខភាពសាធារណៈយ៉ាងធ្ងន់ធ្ងរនោះត្រូវបានលោក ប៊ូ ឡាំ…
ខេត្តរតនគិរី ៖ គំនរសំរាមដែលក្រុមហ៊ុន កឹម ជ្រា របស់លោកជា គួង ដែលយកទៅចាក់ចោលពាសវាលពាសកាលក្បែរកន្លែងសត្វឃាតដ្ឋានគ្មានអនាម័យបង្កផលប៉ះពាល់ដល់សុខភាពសាធារណៈយ៉ាងធ្ងន់ធ្ងរនោះត្រូវបានលោក ប៊ូ ឡាំ អ្នកតំណាងរាស្ត្រមណ្ឌលរតនគិរីមានប្រតិកម្មយ៉ាងខ្លាំង ។
អ្នកតំណាងរាស្ត្របានចុះទៅពិនិត្យផ្ទាល់ និងប្រតិកម្មយ៉ាងនេះខ្លាំងនោះនៅព្រឹកថ្ងៃទី៩ ខែធ្នូ ឆ្នាំ២០១៨ ។ ការចុះទៅនោះលោក និងប្រធានមន្ទីរពាក់ព័ន្ធបានអញ្ជើញទៅពិនិត្យផ្ទាល់ជាក់ស្ដែងដល់កន្លែងដែលលោកជា គួង បានបំពុលបរិស្ថាន (កន្លែងគំនរសំរាម) ស្ថិតក្នុងភូមិ៣ និងភូមតាផ្លើន ក្នុងសង្កាត់កាចាញ ហើយបន្តទៅទីសត្តឃាតដ្ឋាននៅភូមិជ្រី សង្កាត់ឡាបានសៀក ក្រុងបានលុងនោះផងដែ ។
តំណាងរាស្ត្រថា មិនបណ្ដែតបណ្ដោយឲ្យប្រជាពលរដ្ឋខ្ញុំរងទុក្ខលំបាកវេទនាទ្រាំរស់ក្នុងបរិយាកាសក្លិនស្អុយអាសោចពីគំនរសំរាម និងក្លិនស្អុយអសោចពីកន្លែងសត្វឃាតដ្ឋានគ្មានអនាម័យបែបនេះទៀតនោះឡើយ ។ លោកបន្តថា ប្រាក់ខែតំណាងរាស្ត្រ គឺបានមកពីរាស្ត្រដូចនេះនឹងធ្វើអ្វីៗគ្រប់បែបយ៉ាង ដើម្បីសេចក្តីសុខរបស់ប្រជាពលរដ្ឋខ្ញុំ ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព ។
ចែករំលែកព័តមាននេះ