ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត បានចុះបង្ក្រាបករណីរក្សាទុកជួញដូរ និងចាត់ចែងប្រើប្រាស់ដោយខុសច្បាប់នូវសារធាតុញៀន ឈានឃាត់ខ្លួនបានក្រុមញៀនថ្នាំប្រុសស្រីចំនួន៤នាក់ រួចនាំយកមកធ្វើការសួរនាំនៅការិយាល័យជំនាញនៃស្នងការនគរបាលខេត្ត ដើម្បីរៀបចំកសាងសំណុំរឿងបញ្ជូនទៅតុលាការខេត្តចាត់ការបន្តតាមនីតិវិធី ។ ការចុះបង្ក្រាបករណីជួញដូរគ្រឿងញៀននេះ…
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត បានចុះបង្ក្រាបករណីរក្សាទុកជួញដូរ និងចាត់ចែងប្រើប្រាស់ដោយខុសច្បាប់នូវសារធាតុញៀន ឈានឃាត់ខ្លួនបានក្រុមញៀនថ្នាំប្រុសស្រីចំនួន៤នាក់ រួចនាំយកមកធ្វើការសួរនាំនៅការិយាល័យជំនាញនៃស្នងការនគរបាលខេត្ត ដើម្បីរៀបចំកសាងសំណុំរឿងបញ្ជូនទៅតុលាការខេត្តចាត់ការបន្តតាមនីតិវិធី ។
ការចុះបង្ក្រាបករណីជួញដូរគ្រឿងញៀននេះ បានធ្វើឡើងកាលពីវេលាម៉ោង៧និង១៥នាទីព្រឹកថ្ងៃទី៨ ខែធ្នូ ឆ្នាំ២០១៨ ស្ថិតនៅចំណុចលំនៅឋានមួយកន្លែង ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប ។
ជនសង្ស័យប្រុសស្រីទាំង៤នាក់ខាងលើរួមមាន ១-ឈ្មោះ រ៉ាត់ សុភី រឺ រ័ត្នសុភី ភេទប្រុស អាយុ១៦ឆ្នាំ មុខរបរមិនពិតប្រាកដ (ជាអ្នកជួញដូរនិងប្រើប្រាស់) ២-ឈ្មោះ ត្រឹម សំណាង ភេទប្រុស អាយុ១៤ឆ្នាំ មុខរបរមិនពិតប្រាកដ (ជាអ្នកជួញដូរនិងប្រើប្រាស់) ៣-ឈ្មោះ កែវ សុវណ្ណា ហៅតា ភេទប្រុស អាយុ២៧ឆ្នាំ មុខរបរមិនពិតប្រាកដ (ជាចាត់ចែងនិងប្រើប្រាស់) និង៤-ឈ្មោះ សាត អេងស៊ីម ភេទស្រី អាយុ២៧ឆ្នាំ មុខរបរមិនពិតប្រាកដ (ជាអ្នកប្រើប្រាស់) ។ ជនសង្ស័យទាំង៤នាក់នេះមានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប ។
ក្រោយឃាត់ខ្លួនជនសង្ស័យទាំង៤នាក់ខាងលើ ក្នុងនោះកម្លាំងនគរបាលជំនាញដកហូតវត្ថុតាងរួមមានម្សៅមេតំហ្វេតាមីនចំនួន៧កញ្ចប់ និងទូរស័ព្ទដៃ១គ្រឿង។
តាមប្រភពពីសមត្ថកិច្ចជំនាញបានប្រាប់ថា មុនឈានដល់ធ្វើការឃាត់ខ្លួនជនសង្ស័យចំនួន៤នាក់ខាងលើនោះ គឺដោយសារមានប្រជាពលរដ្ឋរាយការណ៍មកថា ក្រុមជនសង្ស័យទាំងនោះបានប្រមូលផ្តុំគ្នាជួញដូរ និងប្រើប្រាស់គ្រឿងញៀននៅទីតាំងខាងលើ ទើបកម្លាំងជំនាញបានធ្វើការចុះប្រង្ក្រាបបានភ្លាមៗផងដែរ។
បច្ចុប្បន្ន ជនសង្ស័យប្រុសស្រីទាំង៤នាក់និងវត្ថុតាង ត្រូវបានកម្លាំងជំនាញបញ្ជូនខ្លួនទៅសាលាដំបូងថ្ងៃទី៩ ខែធ្នូ ឆ្នាំ២០១៨ ដើម្បីចាត់ការតាមនីតិវិធីបន្ត៕
ចែករំលែកព័តមាននេះ