វៀតណាមត្រូវធ្វើច្បាប់អចលនទ្រព្យឱ្យសាមញ្ញសម្រាប់ជនបរទេស
ទីក្រុងហាណូយ ៖ ក្រុមអ្នកឯកទេសបាននិយាយថា ទីផ្សារអចលនទ្រព្យរបស់វៀតណាម ត្រូវដោះស្រាយបញ្ហាលំបាកជាច្រើន ដើម្បីបង្កើនចំនួនជនបរទេសទិញអចលនទ្រព្យនៅវៀតណាម ។ លោកស្រី Nguyen Hoai…
ទីក្រុងហាណូយ ៖ ក្រុមអ្នកឯកទេសបាននិយាយថា ទីផ្សារអចលនទ្រព្យរបស់វៀតណាម ត្រូវដោះស្រាយបញ្ហាលំបាកជាច្រើន ដើម្បីបង្កើនចំនួនជនបរទេសទិញអចលនទ្រព្យនៅវៀតណាម ។
លោកស្រី Nguyen Hoai An នាយកក្រុមហ៊ុន CBRE ប្រចាំនៅទីក្រុងហាណូយ បានមានប្រសាសន៍ប្រាប់សារព័ត៌មានវៀតណាមថា ៖« ដើម្បីលើកកម្ពស់ការជួញដូររបស់បរទេសលើទីផ្សារក្នុងស្រុកវៀតណាម យើងគួរតែបង្កើនអចលនទ្រព្យ ដែលជនបរទេសងាយស្រួលទិញ នៅក្នុងគម្រោងនីមួយៗ »។
លោកស្រី បានមានប្រសាសន៍បន្តថា ៖« ចាំបាច់ត្រូវបំពេញឯកសារច្បាប់សារាចរនីតិវិធី និងការគាំទ្រដល់ជនបរទេសក្នុងការទិញផលិតផលអចលនទ្រព្យនៅវៀតណាម។ ប្រទេសជាតិត្រូវបំពេញដំណើរការចេញសៀវភៅពណ៌ផ្កាឈូក និងវិញ្ញាបនបត្រនៃកម្មសិទ្ធិលើទ្រព្យសម្បត្តិរបស់ជនបរទេស ។ ទន្ទឹមនឹងនេះដែរធនាគារត្រូវការបង្កើនការគាំទ្រសម្រាប់ជនបរទេសនៅក្នុងប្រតិបត្តិការអចលនទ្រព្យ »។
គម្រោងមានស្រាប់ ដែលចង់ទាក់ទាញអតិថិជនបរទេសកាន់តែច្រើន គួរអភិវឌ្ឍដំណើរការថែរក្សាអតិថិជនប្រកបដោយវិជ្ជាជីវៈសម្រាប់ជនបរទេស ។ អ្នកទិញដែលជាបរទេស ជារឿយៗប្រឈមនឹងឧបសគ្គក្នុងការទិញអចលនទ្រព្យនៅវៀតណាម រួមទាំងដែនកំណត់នៃច្បាប់ស្តីពីកម្មសិទ្ធិដីធ្លីនៃគម្រោងអចលនទ្រព្យនីមួយៗ ។
ការវិនិយោគផ្ទាល់ពីបរទេស(FDI) កំពុងកើនឡើងដែលរួមចំណែកដល់ការកើនឡើងចំនួនជនបរទេសដែលកំពុងរស់នៅ និងធ្វើការនៅវៀតណាម ។ យោងតាមលោកស្រីបានឲ្យដឹងថា ការវិនិយោគលើទ្រព្យសម្បត្តិពីអ្នកទិញបរទេសនឹងបន្តកើនឡើង ៕
ចែករំលែកព័តមាននេះ