ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា ស្រុកព្រៃនប់បុរសម្នាក់បានរងរបួស ខណៈបុរសនោះបើកបរម៉ូតូដឹកនំលក់ត្រូវរថយន្ត Rav4 ពន្លះម៉ូតូពីក្រោយ ក្នុងទិសដៅស្របគ្នា ពីភ្នំពេញទៅខេត្តព្រះសីហនុ នៅលើផ្លូវជាតិលេខ៤ ក្បែរគីឡូម៉ែត្រ183 ស្ថិតក្នុងភូមិ-ឃុំសំរ៉ុង ស្រុកព្រៃនប់ ខេត្តព្រះសីហនុ នៅម៉ោងជាង៦ព្រឹក ថ្ងៃទី០៩ ខែធ្នូនេះ ។
សេចក្តីរាយការណ៍បានបន្តថា អ្នកបើកបរមិនមានរបួសទេ ហើយបើនៅកន្លែងកើតហេតុ ថាអ្នកបើកបរត្រូវពលរដ្ឋឃាតបានហើយដែរ ។ ចំណែកអ្នករបួសគឺ បុរសម្នាក់ដែលជិះម៉ូតូដឹកនំលក់ខាងលើ ។
ចំណែកអ្នករបួសត្រូវបានដឹកទៅសង្គ្រោះឃ្លីនិចវាលរេញ ដោយស្ថានភាពដូចមិនស្រាលដែរ ស្របពេលដែលពេទ្យកំពុងសង្គ្រោះនោះ ហើយខណៈនោះសមត្ថកិច្ចនៅកន្លែងកើតហេតុបានចាត់ចែងតាមផ្លូវច្បាប់ផងដែរ ៕
ចែករំលែកព័តមាននេះ