រាជធានីភ្នំពេញ៖តារាចម្រៀងសួស វីហ្សា និងតារាសម្តែងលោកថម មី បានបើកចំហចំណងស្នេហ៍របស់ពួកគេហើយ ។ ការបង្ហាញមុខគូស្នេហ៍ពីតារាចម្រៀងវីហ្សា បន្ទាប់ពីនាងបានប្រកាសជាសាធារណៈថា នាងនឹងបង្ហាញមុខមនុស្សដែលខ្លួនស្រឡាញ់ បន្ទាប់ពីបានទទួលជោគជ័យនៅក្នុងអាជីពសិល្បៈ។…
រាជធានីភ្នំពេញ៖តារាចម្រៀងសួស វីហ្សា និងតារាសម្តែងលោកថម មី បានបើកចំហចំណងស្នេហ៍របស់ពួកគេហើយ ។ ការបង្ហាញមុខគូស្នេហ៍ពីតារាចម្រៀងវីហ្សា បន្ទាប់ពីនាងបានប្រកាសជាសាធារណៈថា នាងនឹងបង្ហាញមុខមនុស្សដែលខ្លួនស្រឡាញ់ បន្ទាប់ពីបានទទួលជោគជ័យនៅក្នុងអាជីពសិល្បៈ។
ការប្រកាសថានឹងបង្ហាញមុខរបស់តារាចម្រៀងនៅក្នុងផលិតកម្មហង្សមាសសួស វីហ្សា បន្ទាប់ពីមួយរយៈចុងក្រោយនេះនាងត្រូវបានគេដាក់ការសង្ស័យថា កំពុងតែបង្កាត់ភ្លើងស្នេហ៍ជាមួយលោកថម មី ដែលជាតារាសម្តែង។
ក្តីស្នេហ៍នេះបង្ហាញច្បាស់ហើយ ដោយសួស វីហ្សា និងតារាសម្តែងលោកថម មី បានរួមគ្នាក្នុងការប្រារព្ធពិធីអបអរសាទរខួប៤ឆ្នាំនៃចំណងស្នេហារបស់ពួកគេនៅក្នុងភោជនីយដ្ឋានមួយកាលពីពេល ថ្មីៗកន្លងមក ។ បើទោះបីជាអក្សរនៅលើខេកនោះគ្រាន់តែសរសេរអក្សរT ក៍គេអាចសន្មតបានថា នោះជាឈ្មោះរបស់លោកថម មី ដែលផ្តើមដោយអក្សរT នេះតែម្តង ក្នុងពេលដែលសួស វីហ្សា ក៏បានបញ្ជាក់អត្ថន័យយ៉ាងច្បាស់ក្រឡែតផងនោះ ។
ជាមួយរូបភាពនៃពិធីដែលបានបង្ហោះតាមហ្វេសប៊ុកកាលពីថ្ងៃទី៥ ខែធ្នូ ២០១៨តារាចម្រៀងសួស វីហ្សា ក៏បានភ្ជាប់ជាមួយសារថា Happy anniversary 4year អរគុណTដែលតែងតែគោរពស្រលាញ់ និងផ្តល់តម្លៃឲ្យខ្ញុំរហូតមក សំខាន់ស្រលាញ់គាត់ត្រង់ទោះពេលពិបាកខ្លាំងប៉ុនណាក៏នៅក្បែរ មិនទៅចោលមិនរត់ចោល អ៊ីចឹងខ្ញុំគួរដល់ពេលតបស្នងដល់គាត់វិញដោយក្តីគោរពស្រលាញ់ដូចគ្នា ។
អរគុណដល់បងប្អូន ពូមីងទាំងសងខាង រួមទាំងក្រុមរាំ និងម្ចាស់ហាងផ្ទាល់ដែលព្រួតគ្នាធ្វើកម្មវិធីឲ្យមួយទំហឹងយ៉ាងសប្បាយ និងពេញដោយអត្តនយ័ ។ ខ្ញុំមិនដឹងទេថាខ្ញុំធ្វើនេះ ខុស ឬត្រូវយ៉ាងណា អ៊ីចឹងមានតែសូមអធ្យាស្រ័យពីបងប្អូនទាំងក្នុង និងក្រៅFBផង ។ ខ្ញុំគ្រាន់តែដឹងត្រឹមថា ខ្ញុំចង់ផ្តល់តម្លៃនៃពាក្យថាស្រលាញ់ឲ្យមនុស្សដែលខ្ញុំស្រលាញ់ និងផ្តល់ឲ្យខ្លួនឯង ដោយលែងលាក់លៀម »។
ដោយឡែកតារាសម្តែងលោកថម មី ក៏បានបង្ហោះសារឆ្លើយតបទៅកាន់សួស វីហ្សា ដោយខ្លីវិញថា «អរគុណសម្រាប់ការស្រលាញ់ពិតមួយនេះ បងស្រលាញ់អូនខ្លាំងណាសវីហ្សា»៕
ចែករំលែកព័តមាននេះ