ខេត្តបន្ទាយមានជ័យ ៖ ជនសង្ស័យម្នាក់ដោយខឹងគេរៀបការជាមួយសង្សារបស់ខ្លួន បានមកវ៉ៃដល់ផ្ទះតែម្តង បណ្តាលរបួស ហើយគំរាមបោកគ្រាប់បែកសម្លាប់ទាំងគ្រួសារទៀត កាលពីម៉ោង១១និង៣០នាទីថ្ងៃទី៣ ធញនូ ២០១៨ ស្ថិតក្នុងភូមិតាសល់…
ខេត្តបន្ទាយមានជ័យ ៖ ជនសង្ស័យម្នាក់ដោយខឹងគេរៀបការជាមួយសង្សារបស់ខ្លួន បានមកវ៉ៃដល់ផ្ទះតែម្តង បណ្តាលរបួស ហើយគំរាមបោកគ្រាប់បែកសម្លាប់ទាំងគ្រួសារទៀត កាលពីម៉ោង១១និង៣០នាទីថ្ងៃទី៣ ធញនូ ២០១៨ ស្ថិតក្នុងភូមិតាសល់ ឃុំគោកបល្ល័ង្គ ស្រុកមង្គលបូរី ក្រោយមកត្រូវចាប់ខ្លួនបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់នៅថ្ងៃទី០៤ ខែធ្នូឆ្នាំ២០១៨។
លោកវរសេនីយ៍ត្រី ស៊ិន រ៉ាស៊ី មេបញ្ជាការកងរាជអាវុធហត្ថស្រុកព្រះនេត្រព្រះបានប្រាប់ថា ជនសង្ស័យដែលត្រូវចាប់ខ្លួនកខាងលើមានឈ្មោះ ឃន់ ពាង ភេទប្រុស អាយុ២៩ឆ្នាំ រស់នៅភូមិតាសល់ ឃុំគោកបល្ល័ង្គ ស្រុកមង្គលបូរី។ ចំណែកជនរងគ្រោះឈ្មោះ ស ឆៃលាង ភេទប្រុស អាយុ៣៨ឆ្នាំ រស់នៅភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ ។
លោកបានបញ្ជាក់ថា នៅពេលចាប់ខ្លួនជនសង្ស័យ គឺកម្លាំងកងរាជអាវុធហត្ថស្រុកព្រះនេត្រព្រះ បានទទួលពាក្យពីបណ្តឹងជនរងគ្រោះដែលបានប្តឹងជនសង្ស័យបង្ករបួសស្នាមទៅដល់ផ្ទះ ដោយជនសង្ស័យវ៉ៃទៅជនរងគ្រោះជាច្រើនដៃ ថែមទាំងគំរាមបោកគ្រាប់បែកសម្លាប់ទាំងគ្រួសារទៀត ។ ក្រោយទទួលបណ្តឹងភ្លាមៗ បានចុះទៅឃាត់ខ្លួនជនសង្ស័យម្នាក់នៅម៉ោង១១និង៣០នាទី ថ្ងៃទី០៣ ខែធ្នូ ឆ្នាំ២០១៨ នៅភូមិ-ឃុំខាងលើ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តប្រាប់ថា ក្រោយពេលឃាត់ខ្លួនជនសង្ស័យមកសាកសួរ បានសារភាពថា ខ្លួនពិតជាទៅវ៉ៃជនរងគ្រោះដល់ផ្ទះរបស់គេមែន ដោយសារខឹងជនរងគ្រោះរៀបការជាមួយសង្សារបស់ខ្លួន ទើបខឹងយ៉ាងខ្លាំង ក៏ទៅវៃនៅផ្ទះជនរងគ្រោះ បណ្តាលឱ្យរបួសតែម្តង។
លោកបានបញ្ជាក់ថា ក្រោយពេលសាកសួរជនសង្ស័យរួចហើយបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់៕
ចែករំលែកព័តមាននេះ