Apple នឹងពន្យារពេលនៃការចេញលក់ទូរស័ព្ទ iPhone ដែលអាចប្រើបច្ចេកវិទ្យា 5G រហូតដល់យ៉ាងតិចណាស់ក៏ឆ្នាំ២០២០ដែរ ដែលផ្តល់ឱកាសដល់ដៃគូប្រកួតប្រជែងក្នុងការនាំមុខ ។ យោងតាមសារព័ត៌មានមួយបានឲ្យដឹងថា iPhone…
Apple នឹងពន្យារពេលនៃការចេញលក់ទូរស័ព្ទ iPhone ដែលអាចប្រើបច្ចេកវិទ្យា 5G រហូតដល់យ៉ាងតិចណាស់ក៏ឆ្នាំ២០២០ដែរ ដែលផ្តល់ឱកាសដល់ដៃគូប្រកួតប្រជែងក្នុងការនាំមុខ ។
យោងតាមសារព័ត៌មានមួយបានឲ្យដឹងថា iPhone ដែលនឹងចេញលក់បន្ទាប់ដោយ Apple នឹងមិនអាចប្រើបណ្តាញ5Gបានទេ ហើយក្រុមហ៊ុននឹងរង់ចាំយ៉ាងតិចណាស់ក៏មួយឆ្នាំដែរ មុននឹងចេញលក់ទូរស័ព្ទដែលអាចប្រើបច្ចេកវិទ្យាថ្មីនេះបាន ។
ដៃគូប្រកួតប្រជែងរបស់ Apple ដែលមានដូចជា Huawei និង Samsung កំពុងតែត្រៀមខ្លួនចេញលក់ទូរស័ព្ទ 5G នៅឆ្នាំក្រោយ ដោយសន្យាថា នឹងពន្លឿនល្បឿនដល់ទៅ១០០ដង បើធៀបនឹងបច្ចេកវិទ្យា 4G ។
កាលពីថ្ងៃចន្ទកន្លងមក Samsung បានប្រកាសថា ពួកគេនឹងសហការជាមួយនឹងក្រុមហ៊ុន Verizon Communications ដើម្បីចេញលក់ស្មាតហ្វូនដែលអាចប្រើ5G បាននៅពាក់កណ្តាលឆ្នាំ ២០១៩ខាងមុខនេះ ។
វាមិនមែនជាលើកទីមួយទេដែល Apple ពន្យារពេលចេញលក់iPhone ដែលបំពាក់ដោយបច្ចេកវិទ្យាថ្មី ។ Apple បានជ្រើសរើសរង់ចាំប្រមាណមួយឆ្នាំ មុននឹងចេញទូរស័ព្ទដែលអាចប្រើ3G និង4Gដែរ ដោយអះអាងថា សេវាកម្មទាំងនេះនឹងត្រូវការពេលមួយរយៈសិន មុននឹងអតិថិជនចាប់ផ្តើមប្រើប្រាស់វា ។
ប៉ុន្តែអ្នកវិភាគ Mark Hung មកពី Gartner បាននិយាយថា ទោះជា Apple មិនបានទទួលរង់ផលប៉ះពាល់ពិតមែនក្តី តែបច្ចេកវិទ្យា 5G នឹងងាយស្រួលក្នុងការចូលក្នុងទីផ្សារជាង ៕
ចែករំលែកព័តមាននេះ