រាជធានីភ្នំពេញ៖ជាថ្មីម្តងទៀតនាងដេននី ក្វាន់ បានរងការរិះគន់ពីបណ្តាអ្នកលេងហ្វេសប៊ុកជាច្រើន បន្ទាប់ពីនាងបង្ហោះសារទម្លាយរឿងធ្លាប់លួចស្រឡាញ់ឧកញ៉ាល្បីឈ្មោះ២នាក់ ។
បើទោះបីជានៅក្នុងសារដេននី ក្វាន់ បានបញ្ជាក់យ៉ាងច្បាស់ថា ស្រឡាញ់ឧកញ៉ាទាំងពីរនាក់នោះ ដោយសារតែមានចិត្តសប្បុរសក៏ដោយ ប៉ុន្តែនាងនៅតែទទួលការរិះគន់យ៉ាងគ្រោតគ្រាតពីមហាជនដដែល ។
កាលពីពេល ថ្មីៗកន្លងមកដេននី ក្វាន់ បានបង្ហោះសារនៅលើហ្វេសប៊ុករបស់ខ្លួនដោយភ្ជាប់រូបថតរបស់លោកឧកញ៉ាស្រី ចាន់ថន និងឧកញ៉ាដួង ឆាយ ជាមួយពាក្យពេចន៍ថា «និយាយត្រង់ចុះខ្ញុំលួចស្រលាញ់គាត់ទាំងពីរនាក់នេះយូរហើយ តែខ្ញុំមិនដែលបានសារភាព ព្រោះមិនដែលបានជួបមុខគាត់ផ្ទាល់ បើមានឱកាសបានជួបគាត់ទាំងពីរខ្ញុំនឹងសារភាពតាមត្រង់ថា «I Love u so much» ខ្ញុំស្រលាញ់អ្នកខ្លាំងណាស់ គឺស្រលាញ់នូវទឹកចិត្តដែលគាត់តែងតែអាណិតស្រលាញ់ដល់អ្នកក្រខ្សត់ »។
តាមរយៈការសរសេរបែបនេះដេននី ក្វាន់ ត្រូវអ្នកលេងហ្វេសប៊ុកមួយចំនួនរិះគន់ ដោយចោទនាងថា «ស្រឡាញ់រកតែឧកញ៉ា មិនខ្លាចប្រពន្ធគេរករឿង»។ ពាក្យរិះគន់ទាំងនេះត្រូវតារាសម្តែងដែលចូលចិត្តសម្ញែងដើមទ្រូងនាងដេននី ក្វាន់ បានឆ្លើយតប ភ្លាមៗ និងចាត់ទុកអ្នករិះគន់ទាំងនោះហាក់មិនយល់ពីអ្វីដែលនាងបានសរសេរ។
ដេននី ក្វាន់ បានបង្ហោះសារតាមហ្វេសប៊ុកកាលពីថ្ងៃទី៤ ខែធ្នូ ២០១៨ឆ្លើយតបការរិះគន់ទាំងនោះថា «សូមមនុស្សមួយចំនួនដែល comment ដៀលខ្ញុំថាស្រលាញ់រកតែឧកញ៉ា អត់ខ្លាចប្រពន្ធគេរករឿងទេអី ? ខ្ញុំចង់ប្រាប់ថាមុនអ្នកឯងតិះដៀលខ្ញុំ តើមានយកខួរទៅគិតទេ ? មានអានប្រយោគខ្ញុំនិយាយទេ? ខ្ញុំថាខ្ញុំស្រលាញ់គាត់ទាំងពីរក៏ពិតមែន តែមិនមែនស្រលាញ់បែបន័យស្នេហាទេ គឺស្រលាញ់នូវទឹកចិត្តរបស់គាត់។ ថ្ងៃក្រោយមុនជេរខ្ញុំសូមគិតឲ្យច្បាស់សិន!»៕
ចែករំលែកព័តមាននេះ