យោងទៅតាមឯកសាររបស់ក្រសួងកសិកម្មបានបង្ហាញថា ការបន្តពូជរបស់បង្កងមានការប្រែប្រួលទៅខែ គឺពីខែមេសា ដល់ខែមិថុនា និងពីខែសីហា ដល់ខែតុលា ហើយការវិវត្តន៍របស់កន្សោមពងមាន៤ដំណាក់កាល ដែលឋិតនៅក្នុងរយៈពេលពី១៤-២០ថ្ងៃ ។ បង្កងឈ្មោល និងមេ ពាក់គ្នាក្រោយពេលបង្កងមេសករួចពី៣ទៅ៤ម៉ោង ។
ការបង្កាត់ពូជមានរយៈពេល២០-២៥នាទី ពេលនោះបង្កងញីវាទទួលយកមេជីវិតពីបង្កងឈ្មោល ហើយពងនឹងចាប់ផ្តើមផ្សំកំណើត ។ បង្កងមេអាចបង្កាត់ពូជលើកទី២បានក្រោយរយៈពេលចន្លោះពី៣០ទៅ៤៥ថ្ងៃ នៅក្នុងលក្ខខណ្ឌនៃការថែបំប៉នល្អ ចំណីមានគុណភាព និងបរិមាណគ្រប់គ្រាន់ផងដែរ ។
បង្កងមេធម្មជាតិមានគុណសម្បត្តិ និងគុណវិបត្តិទន្ទឹមគ្នា គឺយើងអាចរើសយកបង្កងដែលមានទំហំធំ មានពងច្រើន ដើម្បីយកមកធ្វើជាមេពូជបង្កាត់ពូជបាន តែភាគច្រើនមានសុខភាពខ្សោយ គឺមានអត្រារស់ទាប ដោយសារបច្ចេកទេសចាប់ពីធម្មជាតិ និងការទុកដាក់ថែរក្សាមិនបានត្រឹមត្រូវ ៕
ចែករំលែកព័តមាននេះ