ពិតមែនតែកន្លងមកមានក្រុមហ៊ុន Asus មួយប៉ុណ្ណោះ មានគម្រោងលក់ Android tablet ក្នុងតម្លៃ១២៩ដុល្លារអាមេរិក ប៉ុន្តែពេលថ្មីៗនេះទីភ្នាក់ងារព័ត៌មាន ឧស្សាហកម្មតៃវ៉ាន់ Digi Times បានចុះផ្សាយថា Tablet អេក្រង់៧អីុញប្រើ Android នឹងមានលក់ក្នុងតម្លៃ៩៩ដុល្លារអាមេរិក (100$ ចុះក្រោម) នៅចុងឆ្នាំ២០១៣ បង្កឱ្យមានការភ្ញាក់ផ្អើលផងដែរ ដោយសារតែតម្លៃទីផ្សារ Tablet បែបនេះពុំធ្លាប់មានទេពីមុនមក។
ប្រភពព័ត៌មានមិនបានបញ្ជាក់ថា ក្រុមហ៊ុនណាមួយនឹងចេញលក់ Tablet ប្រើ Android ក្នុងតម្លៃ៩៩ដុល្លារនោះទេ គ្រាន់តែអះអាងថា នឹងមានលក់ក្នុងតម្លៃ៩៩ដុល្លារអាមេរិក សម្រាប់ទីផ្សារប្រកួតប្រជែង… ប៉ុន្តែរឿងនេះបែរជាលេចឮពាក្យចចាមអារ៉ាមថា ក្រុមហ៊ុន Google ទៅវិញ ជាអ្នកផលិត Tablet Android តម្លៃ៩៩ដុល្លារ ។
អ្នកជំនួញលើផលិតផលអេឡិចត្រូនិក បាននិយាយថា ការលក់ Tablet Android ក្នុងតម្លៃ៩៩ដុល្លារ នេះនឹងធ្វើឱ្យក្រុមហ៊ុនធំៗឈឺក្បាលចំពោះបញ្ហាតម្លៃនេះ ប៉ុន្តែសម្រាប់ Apple វិញ ក្រុមអ្នកវិភាគបាននិយាយថា មិនឈឺក្បាលអ្វីឡើយ ដោយលោក Tim Cook នាយកប្រតិបត្តិធ្លាប់បាននិយាយថា លោកនឹងមិនទម្លាក់ថ្លៃ Tablet ឡើយ ព្រោះថា Tablet របស់ក្រុមហ៊ុនលោកមានគុណ ភាព និងពេញនិយម ៕
ចែករំលែកព័តមាននេះ